Copyright © 2019 - ਪੰਜਾਬੀ ਹੇਰਿਟੇਜ
ਜੀ-ਮੇਲ ‘ਚ ਜਲਦ ਆ ਰਹੇ ਹਨ ਨਵੇਂ ਫੀਚਰਜ਼

ਜੀ-ਮੇਲ ‘ਚ ਜਲਦ ਆ ਰਹੇ ਹਨ ਨਵੇਂ ਫੀਚਰਜ਼

ਗੂਗਲ ਨੇ ਇਸ ਸਾਲ ਮਾਰਚ ‘ਚ ਡਾਈਨਾਮਿਕ ਈਮੇਲਸ ਫੀਚਰ ਦਾ ਐਲਾਨ ਕਰਦੇ ਹੋਏ ਕਿਹਾ ਸੀ ਕਿ ਇਹ ਫੀਚਰ ਜੀਮੇਲ ਯੂਜ਼ਰਜ਼ ਦੇ ਈਮੇਲ ਪੜਨ ਅਤੇ ਰਿਪਲਾਈ ਭੇਜਣ ਦਾ ਤਰੀਕੇ ਬਦਲ ਦੇਵੇਗਾ। ਯੂਜ਼ਰਜ਼ ਕਿਸੇ ਮੈਸੇਜ ਦੇ ਅੱਗੇ ਲਾਈਟਨਿੰਗ ਬੋਲਟ ਦੇਖਣ ਕੇ ਪਛਾਣ ਸਕਣਗੇ ਕਿ ਇਹ ਡਾਈਨਾਮਿਕ ਈਮੇਲ ਹੈ। ਗੂਗਲ ਨੇ ਇਕ ਬਲਾਗ ਪੋਸਟ ‘ਚ ਲਿਖਿਆ ਕਿ ਇਹ ਡਾਈਨਾਮਿਕ ਈਮੇਲਸ ਫੀਚਰ ਬਹੁਤ ਜਲਦੀ ਹੀ ਸਾਰੇ ਡੋਮੇਨਸ ਵਲੋਂ ਬਾਈ-ਡਿਫਾਲਟ ਲਾਂਚ ਹੋਵੇਗਾ ਅਤੇ ਯੂਜ਼ਰਜ਼ ਲਈ ਉਪਲੱਬਧ ਹੋ ਜਾਵੇਗਾ। ਇਸ ਦਾ ਮਤਲਬ ਹੈ ਕਿ ਜੀ ਸਵੀਟ ਦਾ ਇਸਤੇਮਾਲ ਕਰਨ ਵਾਲੇ ਯੂਜ਼ਰਜ਼ ਜੇਕਰ ਗੂਗਲ ਐਡਮਿਨ ਕੰਸੋਲ ‘ਚ ਜਾ ਕੇ ਇਸ ਨੂੰ ਡਿਸੇਬਲ ਨਹੀਂ ਕਰਦੇ ਤਾਂ ਉਨ੍ਹਾਂ ਨੂੰ ਵੀ ਇਸ ਫੀਚਰ ਦਾ ਐਕਸੈਸ ਮਿਲੇਗਾ।
ਡਾਈਨਾਮਿਕ ਈਮੇਲਸ ਦੀ ਮਦਦ ਨਾਲ ਯੂਜ਼ਰਜ਼ ਮੈਸੇਜ ‘ਚ ਰਹਿੰਦੇ ਹੋਏ ਹੀ ਆਸਾਨੀ ਨਾਲ ਕੋਈ ਐਕਸ਼ਨ ਲੈ ਸਕਣਗੇ। ਉਦਾਹਰਣ ਲਈ ਕਿਸੇ ਈਵੈਂਟ ਲਈ RSVP, ਕੋਈ ਕੁਇਜ਼ ਭਰਨ, ਕੈਟਲਾਗ ਬ੍ਰਾਊਜ਼ ਕਰਨ ਅਤੇ ਕੁਮੈਂਟ ਦਾ ਜਵਾਬ ਦੇਣ ਵਰਗੇ ਕੰਮ ਮੈਸੇਜ ‘ਚ ਰਹਿੰਦੇ ਹੋਏ ਹੀ ਕੀਤੇ ਜਾ ਸਕਣਗੇ। ਇਸ ਨੂੰ ਸਪੱਸ਼ਟ ਕਰਨ ਲਈ ਸਮਝੀਏ ਤਾਂ ਜੇਕਰ ਕੋਈ ਯੂਜ਼ਰ ਗੂਗਲ ਡਾਕਿਊਮੈਂਟ ‘ਚ ਕੁਮੈਂਟ ਕਰਨਾ ਚਾਹੁੰਦਾ ਹੈ ਤਾਂ ਹਰ ਨੋਟੀਫਿਕੇਸ਼ਨ ਲਈ ਵੱਖ-ਵੱਖ ਈਮੇਲ ਦੀ ਬਜਾਏ ਹੁਣ ਜੇਕਰ ਉਨ੍ਹਾਂ ਨੂੰ ਕੋਈ ਕੁਮੈਂਟ ‘ਚ ਮੈਂਸ਼ਨ ਕਰਦਾ ਹੈ ਤਾਂ ਅਪ-ਟੂ-ਡੇਟ ਥ੍ਰੈਡ ਜੀਮੇਲ ‘ਚ ਹੀ ਦਿਖਾਈ ਦੇਵੇਗਾ। ਇਥੇ ਆਸਾਨੀ ਨਾਲ ਮੈਸੇਜ ‘ਚ ਰਹਿੰਦੇ ਹੋਏ ਹੀ ਰਿਪਲਾਈ ਦਿੱਤਾ ਜਾ ਸਕੇਗਾ।
ਫੀਚਰ ਨੂੰ ਪੇਸ਼ ਕਰਦੇ ਹੋਏ ਗੂਗਲ ਨੇ ਸਾਫ ਕਰ ਦਿੱਤਾ ਕਿ ਜੋ ਬਿਜਨਸ ਡਾਈਨਾਮਿਕ ਈਮੇਲਸ ਯੂਜ਼ਰਜ਼ ਨੂੰ ਭੇਜਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਸ਼ੁਰੂ ‘ਚ ਗੂਗਲ ਦੀਆਂ ਕੁਝ ਗਾਈਡਲਾਈਨਜ਼ ਮੰਨਣੀਆਂ ਪੈਣਗੀਆਂ। ਇਸ ਤੋਂ ਬਾਅਦ ਇਨ੍ਹਾਂ ਨੂੰ ਭੇਜਣ ਤੋਂ ਪਹਿਲਾਂ ਜੀਮੇਲ ਰੀਵਿਊ ਵੀ ਕਰੇਗਾ। ਡਾਈਨਾਮਿਕ ਈਮੇਲਸ ਪਿਛਲੇ ਸਾਲ ਗੂਗਲ ਵਲੋਂ ਲਿਆਏ ਗਏ ਏ.ਐੱਮ.ਪੀ. ਫਾਰ ਈਮੇਲਸ ਪ੍ਰਾਜੈੱਕਟ ‘ਤੇ ਆਧਾਰਤ ਹੈ। ਇਸ ਦਾ ਮਕਸਦ ਜੀਮੇਲ ‘ਚ ਅਜਿਹੇ ਸਟੈਟਿਕ ਇੰਟਰੈਕਟਿਵ ਪੇਜ ਬਣਾਉਣਾ ਸੀ, ਜੋ ਡਾਈਨਾਮਿਕ ਨੇਚਰ ਵਾਲਾ ਹੋਵੇਗਾ। ਦੱਸ ਦੇਈਏ ਕਿ ਮਾਈਕ੍ਰੋਸਾਫਟ ਆਊਟਲੁਕ, mail.ru ਅਤੇ ਯਾਹੂ ਮੇਲ ਪਹਿਲਾਂ ਹੀ ਏ.ਐੱਮ.ਪੀ. ਪੇਜ ਸਪੋਰਟ ਕਰਦੇ ਹਨ।
ਜੇਕਰ ਤੁਸੀਂ ਡਾਈਨਾਮਿਕ ਈਮੇਲ ਫੀਚਰ ਇਸਤੇਮਾਲ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਟਾਪ ਰਾਈਟ ‘ਚ ਜੀਮੇਲ ਸਾਈਨ ‘ਤੇ ਕਲਿੱਕ ਕਰਨਾ ਹੋਵੇਗਾ ਅਤੇ ਫਿਰ ਸੈਟਿੰਗਸ ‘ਚ ਜਾ ਕੇ ‘ਡਾਈਨਾਮਿਕ ਈਮੇਲਸ’ ਨੂੰ ਇਨੇਬਲ ਕਰਨਾ ਹੋਵੇਗਾ। ਫਿਲਹਾਲ, ਇਹ ਫੀਚਰ ਜੀਮੇਲ ਲਈ ਕੋਈ ਹੋਰ ਮੇਲ ਐਪ ਇਸਤੇਮਾਲ ਕਰਨ ਵਾਲੇ ਯੂਜ਼ਰਜ਼ ਨੂੰ ਨਹੀਂ ਮਿਲੇਗਾ ਅਤੇ ਵੈੱਬ ‘ਤੇ ਹੀ ਉਪਲੱਬਧ ਹੈ। ਬਾਕੀ ਯੂਜ਼ਰਜ਼ ਨੂੰ ਸਟੈਟਿਕ ਵਰਜਨ ਦਿਖਾਈ ਦਿੰਦਾ ਰਹੇਗਾ। ਡਾਈਨਾਮਿਕ ਈਮੇਲਸ ਦੀ ਮਦਦ ਨਾਲ ਯੂਜ਼ਰਜ਼ ਨੂੰ ਜਦੋਂ ਵੀ ਕਿਸੇ ਗੂਗਲ ਡਾਕ ‘ਚ ਮੈਂਸ਼ਨ ਕੀਤਾ ਜਾਵੇਗਾ ਤਾਂ ਉਨ੍ਹਾਂ ਨੂੰ ਮੈਸੇਜਿਸ ਦਾ ਥ੍ਰੈਡ ਦਿਸੇਗਾ। ਪਹਿਲਾਂ ਇਸ ਲਈ ਵੱਖ-ਵੱਖ ਈਮੇਲ ਨੋਟੀਫਿਕੇਸ਼ੰਸ ਆਉਂਦੇ ਸਨ, ਜੋ ਇਨਬਾਕਸ ‘ਚ ਜ਼ਿਆਦਾ ਥਾਂ ਲੈਂਦੇ ਸਨ।