ਅਮਰੀਕੀ ਡਾਕਟਰਾਂ ਅਤੇ ਨਰਸਾਂ ਦੀ ਪਹਿਲੀ ਪਸੰਦ ਬਣਿਆ ਬੀ.ਸੀ., ਇੱਕ ਸਾਲ ਵਿੱਚ 400 ਤੋਂ ਵੱਧ ਸਿਹਤ ਮਾਹਰ ਪਹੁੰਚੇ ਬੀ.ਸੀ.

ਸਰੀ, (ਿਦਵਰੂਪ ਕੌਰ): ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਵੱਲੋਂ ਅਮਰੀਕੀ ਸਿਹਤ ਮਾਹਰਾਂ ਨੂੰ ਸੂਬੇ ਵੱਲ ਖਿੱਚਣ ਲਈ ਸ਼ੁਰੂ ਕੀਤੀ ਗਈ ਵਿਸ਼ੇਸ਼ ਮੁਹਿੰਮ ਦੇ ਬੇਹੱਦ ਉਤਸ਼ਾਹਜਨਕ ਨਤੀਜੇ ਸਾਹਮਣੇ ਆਏ ਹਨ । ਮੁਹਿੰਮ ਦੇ ਇੱਕ ਸਾਲ ਦੇ ਅੰਦਰ ਹੀ 400 ਤੋਂ ਵੱਧ ਅਮਰੀਕੀ ਸਿਖਲਾਈ ਪ੍ਰਾਪਤ ਸਿਹਤ ਪੇਸ਼ੇਵਰਾਂ ਨੇ ਬੀ.ਸੀ. ਵਿੱਚ ਨੌਕਰੀਆਂ ਸਵੀਕਾਰ ਕਰ ਲਈਆਂ ਹਨ । ਇਨ੍ਹਾਂ ਵਿੱਚ 89 ਡਾਕਟਰ, 260 ਨਰਸਾਂ, 42 ਨਰਸ ਪ੍ਰੈਕਟੀਸ਼ਨਰ ਅਤੇ 23 ਹੋਰ ਸਿਹਤ ਮਾਹਰ ਸ਼ਾਮਲ ਹਨ, ਜੋ ਸੂਬੇ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਸੇਵਾਵਾਂ ਦੇਣਗੇ । ਇਹ ਕਦਮ ਸੂਬੇ ਵਿੱਚ ਡਾਕਟਰਾਂ ਦੀ ਕਮੀ ਨੂੰ ਦੂਰ ਕਰਨ ਲਈ ਇੱਕ ਵੱਡੀ ਉਮੀਦ ਵਜੋਂ ਦੇਖਿਆ ਜਾ ਰਿਹਾ ਹੈ ।
ਪ੍ਰੀਮੀਅਰ ਡੇਵਿਡ ਈਬੀ ਅਨੁਸਾਰ, ਬੀ.ਸੀ. ਦੀ ਜਨਤਕ ਸਿਹਤ ਪ੍ਰਣਾਲੀ ਵਿਗਿਆਨ ਅਤੇ ਮਨੁੱਖੀ ਅਧਿਕਾਰਾਂ ਨੂੰ ਤਰਜੀਹ ਦਿੰਦੀ ਹੈ, ਜਿਸ ਕਾਰਨ ਅਮਰੀਕੀ ਮਾਹਰ ਇੱਥੇ ਆਉਣ ਨੂੰ ਤਰਜੀਹ ਦੇ ਰਹੇ ਹਨ । ਸਿਹਤ ਮੰਤਰਾਲੇ ਨੇ ਪੁਸ਼ਟੀ ਕੀਤੀ ਹੈ ਕਿ ਭਰਤੀ ਕੀਤੇ ਗਏ ਡਾਕਟਰਾਂ ਵਿੱਚ 22 ਫੈਮਿਲੀ ਡਾਕਟਰ ਅਤੇ 10 ਐਮਰਜੈਂਸੀ ਮੈਡੀਸਨ ਦੇ ਮਾਹਰ ਹਨ । ਇਹ ਨਿਯੁਕਤੀਆਂ ਸੂਬੇ ਲਈ ਬੇਹੱਦ ਅਹਿਮ ਹਨ ਕਿਉਂਕਿ ਇਸ ਵੇਲੇ ਲਗਭਗ 3.5 ਲੱਖ ਲੋਕ ਫੈਮਿਲੀ ਡਾਕਟਰ ਦੀ ਉਡੀਕ ਕਰ ਰਹੇ ਹਨ । ਸਰਕਾਰ ਦਾ ਉਦੇਸ਼ ਇਸ ਪਾੜੇ ਨੂੰ ਜਲਦੀ ਤੋਂ ਜਲਦੀ ਭਰਨਾ ਹੈ ।
ਸਿਹਤ ਮੰਤਰਾਲੇ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਇਨ੍ਹਾਂ ਵਿੱਚੋਂ 22 ਫੈਮਿਲੀ ਡਾਕਟਰ ਹਨ, ਜਦਕਿ 13 ਹਸਪਤਾਲ ਮੈਡੀਸਨ, 12 ਸਾਈਕੈਟਰੀ ਅਤੇ 10 ਐਮਰਜੈਂਸੀ ਮੈਡੀਸਨ ਦੇ ਮਾਹਰ ਹਨ । ਇਹ ਅੰਕੜਾ ਬੇਹੱਦ ਅਹਿਮ ਹੈ ਕਿਉਂਕਿ ਇਸ ਸਮੇਂ ਸੂਬੇ ਵਿੱਚ ਲਗਭਗ 3,52,000 ਲੋਕ ਹੈਲਥ ਕਨੈਕਟ ਰਜਿਸਟਰੀ ‘ਤੇ ਫੈਮਿਲੀ ਡਾਕਟਰ ਦੀ ਉਡੀਕ ਕਰ ਰਹੇ ਹਨ। ਸਰਕਾਰ ਨੇ ਅਮਰੀਕੀ ਮਾਹਰਾਂ ਲਈ ਲਾਇਸੈਂਸ ਪ੍ਰਕਿਰਿਆ ਨੂੰ ਵੀ ਕਾਫ਼ੀ ਸਰਲ ਅਤੇ ਤੇਜ਼ ਕਰ ਦਿੱਤਾ ਹੈ । ਇਸ ਨਵੀਂ ਨੀਤੀ ਤਹਿਤ ਨਰਸਾਂ ਨੂੰ ਹੁਣ ਵਾਧੂ ਪ੍ਰੀਖਿਆਵਾਂ ਜਾਂ ਸਿਖਲਾਈ ਦੀ ਲੋੜ ਨਹੀਂ ਪਵੇਗੀ । ਸੂਬੇ ਦੇ ਫਰੇਜ਼ਰ ਹੈਲਥ ਰੀਜਨ ਵਿੱਚ ਸਭ ਤੋਂ ਵੱਧ 105 ਅਤੇ ਆਈਲੈਂਡ ਹੈਲਥ ਵਿੱਚ 97 ਨਵੇਂ ਮਾਹਰ ਨਿਯੁਕਤ ਕੀਤੇ ਗਏ ਹਨ । ਅਮਰੀਕਾ ਤੋਂ ਆਏ ਡਾਕਟਰਾਂ ਨੇ ਵੀ ਕੈਨੇਡਾ ਵਿੱਚ ਵਸਣ ਦੇ ਤਜ਼ਰਬੇ ਨੂੰ ਬੇਹੱਦ ਸੁਖਾਵਾਂ ਅਤੇ ਮਿਲਣਸਾਰ ਦੱਸਿਆ ਹੈ । ਇਹ ਸਫ਼ਲਤਾ ਭਵਿੱਖ ਵਿੱਚ ਹੋਰ ਵੀ ਮਾਹਰਾਂ ਨੂੰ ਬੀ.ਸੀ. ਵੱਲ ਆਕਰਸ਼ਿਤ ਕਰੇਗੀ । This report was written by Divroop Kaur as part of the Local Journalism Initiative.