ਸਰੀ, (ਦਿਵਰੂਪ ਕੌਰ): ਕੈਨੇਡਾ ਅਤੇ ਸੰਯੁਕਤ ਰਾਜ ਅਮਰੀਕਾ ਨੇ ਵਪਾਰਕ ਸੰਬੰਧਾਂ ਨੂੰ ਨਵੀਂ ਦਿਸ਼ਾ ਦੇਣ ਲਈ ਸਹਿਮਤੀ ਜਤਾਈ ਹੈ। ਕੈਨੇਡਾ-ਅਮਰੀਕਾ ਵਪਾਰ ਮੰਤਰੀ ਡੋਮਿਨਿਕ ਲੇਬਲਾਂਕઠ(Dominic LeBlanc) ਨੇ ਕਿਹਾ ਕਿ ਦੋਵੇਂ ਦੇਸ਼ ”ਜਲਦੀ ਹੀ” ਐਸੇ ਸਮਝੌਤਿਆਂ ‘ਤੇ ਕੰਮ ਸ਼ੁਰੂ ਕਰਨਗੇ ਜੋ ਸਟੀਲ, ਐਲੂਮੀਨੀਅਮ ਅਤੇ ਊਰਜਾ ਖੇਤਰਾਂ ਵਿੱਚ ”ਵਧੇਰੇ ਸਥਿਰਤਾ” ਲਿਆਉਣਗੇ। ਇਹ ਬਿਆਨ ਮੰਗਲਵਾਰ ਨੂੰ ਵ੍ਹਾਈਟ ਹਾਊਸ ਵਿੱਚ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ (ੰੳਰਕ ਛੳਰਨਏ) ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਮੀਟਿੰਗ ਤੋਂ ਬਾਅਦ ਆਇਆ। ਲੇਬਲਾਂਕ ਨੇ ਮੀਟਿੰਗ ਤੋਂ ਬਾਅਦ ਮੀਡੀਆ ਨਾਲ ਗੱਲ ਕਰਦਿਆਂ ਕਿਹਾ, ”ਅਸੀਂ ਪ੍ਰਧਾਨ ਟਰੰਪ ਨਾਲ ਵਪਾਰਕ ਮੁੱਦਿਆਂ ‘ਤੇ ਇੱਕ ਸਕਾਰਾਤਮਕ ਅਤੇ ਗਹਿਰੀ ਗੱਲਬਾਤ ਕੀਤੀ ਹੈ। ਇਹ ਭਵਿੱਖ ਦੇ ਸਮਝੌਤਿਆਂ ਵੱਲ ਪਹਿਲਾ ਕਦਮ ਹੋਵੇਗਾ ਜੋ ਸਟੀਲ, ਐਲੂਮੀਨੀਅਮ, ਲੱਕੜ ਅਤੇ ਆਟੋ ਉਦਯੋਗਾਂ ਵਰਗੇ ਖੇਤਰਾਂ ‘ਤੇ ਲਾਗੂ ਅਮਰੀਕੀ ਟੈਰਿਫ਼ਾਂ ਨੂੰ ਹੱਲ ਕਰਨ ਵਿੱਚ ਮਦਦ ਕਰ ਸਕਦੇ ਹਨ।”
ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਅਤੇ ਰਾਸ਼ਟਰਪਤੀ ਨੇ ਦੋਵੇਂ ਪਾਸਿਆਂ ਦੇ ਮੰਤਰੀਆਂ ਨੂੰ ਹਦਾਇਤ ਦਿੱਤੀ ਹੈ ਕਿ ਗੱਲਬਾਤਾਂ ਨੂੰ ਤੇਜ਼ ਕੀਤਾ ਜਾਵੇ ਅਤੇ ਜਲਦ ਸਮਝੌਤਿਆਂ ਤੱਕ ਪਹੁੰਚਿਆ ਜਾਵੇ, ਤਾਂ ਜੋ ਦੋਵੇਂ ਦੇਸ਼ਾਂ ਨੂੰ ਵਪਾਰਕ ਸੁਰੱਖਿਆ ਅਤੇ ਭਰੋਸੇਮੰਦ ਸਬੰਧ ਮਿਲ ਸਕਣ।
ਟਰੰਪ ਨੇ ਓਵਲ ਆਫਿਸ ਵਿੱਚ ਮੀਟਿੰਗ ਦੌਰਾਨ ਕਿਹਾ ਕਿ ”ਅਸੀਂ ਕਈ ਮੁੱਦਿਆਂ ‘ਤੇ ਕੰਮ ਕਰ ਰਹੇ ਹਾਂ, ਜਿਨ੍ਹਾਂ ਬਾਰੇ ਲੋਕ ਬਹੁਤ ਨਹੀਂ ਜਾਣਦੇ, ਪਰ ਮੈਨੂੰ ਯਕੀਨ ਹੈ ਕਿ ਕੈਨੇਡਾ ਇਸ ਨਤੀਜੇ ਨਾਲ ਖੁਸ਼ ਹੋਵੇਗਾ।”
ਲੇਬਲਾਂਕ ਨੇ ਮੀਟਿੰਗ ਤੋਂ ਬਾਅਦ ਕਿਹਾ ਕਿ ਭਾਵੇਂ ਤੁਰੰਤ ਕੋਈ ਲਿਖਤੀ ਸਮਝੌਤਾ ਨਹੀਂ ਹੋਇਆ, ਪਰ ਗੱਲਬਾਤਾਂ ਦੀ ਰਫ਼ਤਾਰ ਹੁਣ ਕਾਫ਼ੀ ਤੇਜ਼ ਹੋਵੇਗੀ। ”ਲੋਕ ਨਤੀਜੇ ਦੇਖਣਾ ਚਾਹੁੰਦੇ ਹਨ, ਅਤੇ ਵਿਸ਼ਵਾਸ ਕਰੋ ਅਸੀਂ ਵੀ,” ਉਨ੍ਹਾਂ ਨੇ ਕਿਹਾ। ”ਅਸੀਂ ਇਸ ‘ਤੇ ਲਗਾਤਾਰ ਕੰਮ ਕਰ ਰਹੇ ਹਾਂ।”
ਲੇਬਲਾਂਕ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਕੈਨੇਡਾ ਦਾ ਮੁੱਖ ਧਿਆਨ ਅਮਰੀਕਾ ਵੱਲੋਂ ਲਗਾਏ ਸੈਕਟਰੀਅਲ ਟੈਰਿਫ਼ਾਂ ઠਜਿਵੇਂ ਸਟੀਲ, ਐਲੂਮੀਨੀਅਮ, ਲੱਕੜ ਅਤੇ ਹੋਰ ਉਦਯੋਗਾਂ ઠਨੂੰ ਹਟਾਉਣ ‘ਤੇ ਹੈ। ਟਰੰਪ ਨੇ ਇਹ ਟੈਰਿਫ਼ ”ਰਾਸ਼ਟਰੀ ਸੁਰੱਖਿਆ” ਦੇ ਨਾਂ ‘ਤੇઠU.S. Trade Law ਦੀ ਧਾਰਾ 232 ਅਧੀਨ ਲਗਾਏ ਸਨ।
ਉਨ੍ਹਾਂ ਨੇ ਕਿਹਾ, ”ਸਾਡਾ ਕੰਮ ਕੈਨੇਡੀਅਨ ਮਜ਼ਦੂਰਾਂ ਅਤੇ ਕਾਰੋਬਾਰਾਂ ਦੀ ਰੱਖਿਆ ਕਰਨਾ ਹੈ, ਅਤੇ ਪ੍ਰਧਾਨ ਮੰਤਰੀ ਨੇ ਅੱਜ ਇਹ ਕੰਮ ਬਹੁਤ ਪ੍ਰਭਾਵਸ਼ਾਲੀ ਢੰਗ ਨਾਲ ਕੀਤਾ ਹੈ।”
ਲੇਬਲਾਂਕ ਨੇ ਇਹ ਵੀ ਕਿਹਾ ਕਿ ”ਦੋਵੇਂ ਨੇਤਾਵਾਂ ਦੀ ਗੱਲਬਾਤ ਤੋਂ ਇਹ ਸਪੱਸ਼ਟ ਹੈ ਕਿ ਦੋਵੇਂ ਪਾਸੇ ਇੱਛੁਕ ਹਨ ਕਿ ਸਟੀਲ ਅਤੇ ਐਲੂਮੀਨੀਅਮ ਖੇਤਰਾਂ ਤੋਂ ਸ਼ੁਰੂ ਕਰਕੇ ਅਜਿਹਾ ਢਾਂਚਾ ਬਣਾਇਆ ਜਾਵੇ ਜੋ ਦੋਵੇਂ ਦੇਸ਼ਾਂ ਦੇ ਆਰਥਿਕ ਅਤੇ ਸੁਰੱਖਿਆ ਹਿਤਾਂ ਵਿੱਚ ਹੋਵੇ।”ઠ This report was written by Divroop Kaur as part of the Local Journalism Initiative.
