ਅਮਰੀਕਾ ਵਿੱਚ ਗੂਗਲ ਵਿਰੁੱਧ ਉਪਭੋਗਤਾ ਗੋਪਨੀਯਤਾ ਮਾਮਲੇ ਵਿੱਚ ਜਿੱਤ ਹਾਸਲ ਕਰਨ ਵਾਲੇ ਉਪਭੋਗਤਾਵਾਂ ਨੇ ਹੁਣ ਅਦਾਲਤ ਵਿੱਚ ਮੰਗ ਕੀਤੀ ਹੈ ਕਿ ਗੂਗਲ ਤੋਂ ਹੋਰ 2.36 ਬਿਲੀਅਨ ਡਾਲਰ ਦੇ ਮੁਨਾਫ਼ੇ ਜਬਤ ਕੀਤੇ ਜਾਣ।
ਪਿਛਲੇ ਮਹੀਨੇ ਜੂਰੀ ਵੱਲੋਂ ਦਿੱਤੇ 425 ਮਿਲੀਅਨ ਡਾਲਰ ਦੇ ਫੈਸਲੇ ਤੋਂ ਬਾਅਦ, ਉਪਭੋਗਤਾਵਾਂ ਨੇ ਬੁੱਧਵਾਰ ਨੂੰ ਸੰਘੀ ਜੱਜ ਰਿਚਰਡ ਸੀਬੋਰਗ ਨੂੰ ਕਿਹਾ ਕਿ ਇਹ ਰਕਮ ਗੂਗਲ ਦੁਆਰਾ ਗੈਰਕਾਨੂੰਨੀ ਤਰੀਕੇ ਨਾਲ ਕਮਾਈ ਗਈ ਕਮਾਈ ਦਾ ”ਸੰਭਲਿਆ ਹੋਇਆ ਅੰਦਾਜ਼ਾ” ਹੈ।
ਉਨ੍ਹਾਂ ਨੇ ਕਿਹਾ ਕਿ ਜੂਰੀ ਨੇ ਗੂਗਲ ਦੇ ਵਿਵਹਾਰ ਨੂੰ ”ਅਤਿ ਅਪਮਾਨਜਨਕ, ਨੁਕਸਾਨਦਾਇਕ ਅਤੇ ਬਿਨਾਂ ਸਹਿਮਤੀ ਦੇ ਕੀਤਾ ਗਿਆ” ਕਰਾਰ ਦਿੱਤਾ ਹੈ। ਹੁਣ ਜੱਜ ਨੂੰ ਇਹ ਫੈਸਲਾ ਕਰਨਾ ਹੈ ਕਿ ਕੀ ਗੂਗਲ ਤੋਂ ਵਾਧੂ ਮੁਨਾਫ਼ਾ ਵਾਪਸ ਲੈਣਾ ਕਾਨੂੰਨੀ ਤੌਰ ‘ਤੇ ਸੰਭਵ ਹੈ ਜਾਂ ਨਹੀਂ।
ਗੂਗਲ ਨੇ ਆਪਣੇ ਉੱਤੇ ਲਗੇ ਸਾਰੇ ਦੋਸ਼ਾਂ ਨੂੰ ਨਕਾਰਿਆ ਹੈ ਅਤੇ ਕਿਹਾ ਹੈ ਕਿ ਉਹ ਇਸ ਫੈਸਲੇ ਵਿਰੁੱਧ ਅਪੀਲ ਕਰੇਗਾ। ਕੰਪਨੀ ਦਾ ਦਾਅਵਾ ਹੈ ਕਿ ਇਕੱਠਾ ਕੀਤਾ ਗਿਆ ਡਾਟਾ ਅਗਿਆਤઠ(anonymized) ਸੀ ਅਤੇ ਇਸ ਦੇ ਗੋਪਨੀਯਤਾ ਉਪਕਰਣ ਉਪਭੋਗਤਾਵਾਂ ਨੂੰ ਆਪਣੀ ਜਾਣਕਾਰੀ ‘ਤੇ ਪੂਰਾ ਕਾਬੂ ਦਿੰਦੇ ਹਨ। ਮਾਮਲੇ ਦੇ ਮੁਤਾਬਕ, 2020 ਵਿੱਚ ਦਰਜ ਕੀਤੇ ਗਏ ਇਸ ਮੁਕੱਦਮੇ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਗੂਗਲ ਨੇ ਆਠ ਸਾਲਾਂ ਤੱਕ ਉਪਭੋਗਤਾਵਾਂ ਦੇ ਮੋਬਾਈਲ ਡਿਵਾਈਸਾਂ ਤੋਂ ਡਾਟਾ ਇਕੱਠਾ ਕਰਕੇ ਉਸਦਾ ਗਲਤ ਇਸਤੇਮਾਲ ਕੀਤਾ, ਜਦਕਿ ਉਪਭੋਗਤਾਵਾਂ ਨੇ ਆਪਣੇ ਖਾਤੇ ਵਿੱਚઠWeb : App Activity ਟਰੈਕਿੰਗ ਬੰਦ ਕੀਤੀ ਹੋਈ ਸੀ। ਜੂਰੀ ਨੇ ਗੂਗਲ ਨੂੰ ਤਿੰਨ ਵਿੱਚੋਂ ਦੋ ਗੋਪਨੀਯਤਾ ਉਲੰਘਣਾ ਦੇ ਦੋਸ਼ਾਂ ਵਿੱਚ ਦੋਸ਼ੀ ਕਰਾਰ ਦਿੱਤਾ। ਇਸਦੇ ਬਾਵਜੂਦ, ਉਪਭੋਗਤਾਵਾਂ ਦਾ ਕਹਿਣਾ ਹੈ ਕਿ ਗੂਗਲ ਨੇ ਆਪਣੀਆਂ ਗੋਪਨੀਯਤਾ ਨੀਤੀਆਂ ਜਾਂ ਡਾਟਾ ਇਕੱਠਾ ਕਰਨ ਦੀ ਪ੍ਰਕਿਰਿਆ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ। ਦੂਜੇ ਪਾਸੇ, ਗੂਗਲ ਨੇ ਜੱਜ ਸੀਬੋਰਗ ਨੂੰ ਕਿਹਾ ਹੈ ਕਿ 98 ਮਿਲੀਅਨ ਉਪਭੋਗਤਾਵਾਂ ਅਤੇ 174 ਮਿਲੀਅਨ ਡਿਵਾਈਸਾਂ ਦੀ ਕਲਾਸ ਨੂੰ ਡੀਸਰਟੀਫਾਈ ਕੀਤਾ ਜਾਵੇ, ਕਿਉਂਕਿ ਹਰ ਉਪਭੋਗਤਾ ਦਾ ਕੇਸ ਵੱਖਰਾ ਹੈ ਅਤੇ ਇਕੱਠੇ ਸੁਣਨਾ ਅਸੰਭਵ ਹੈ।
