ਓ ਮੇਰੇ ਦੇਸ ਪਿਆਰਿਆ।
ਹੇ ਰਿਸ਼ੀ ਬਣਾਉਣ ਵਾਲਿਆ, ਹੇ ਵੇਦ ਰਚਾਉਣ ਵਾਲਿਆ!
ਹੈ ਮਿੱਠੇ ਸਾਦ ਮੁਰਾਦਿਆ, ਮਨਮੋਹਨੇ ਸੁੱਧ ਸੁਭਾ ਦਿਆ। ਪੰਜ ਵਹਿਣ ਵਗਾਵਣ ਵਾਲਿਆ। ਦਸ ਗੁਰੂ ਖਿਡਾਵਣ ਵਾਲਿਆ। ਪਾਪਾਂ ਨੂੰ ਮਾਰ ਮੁਕਾਣਿਆ,
ਹੱਕ ਖ਼ਾਤਰ ਜਿੰਦ ਲੁਟਾਣਿਆ। ਹੇ ਭਾਰਤ ਦੇ ਮੂੰਹ ਮੱਥਿਆ, ਅਣਖੀ ਤੀਰਾਂ ਦੇ ਭੱਥਿਆ।
ਹੇ ਖੁਲ੍ਹਾਂ ਦੇ ਮਤਵਾਲਿਆ, ਸਭਰਾਂਵਾਂ ਚਿਲੀਆਂ ਵਾਲਿਆ। ਹੇ ਪ੍ਰੇਮ ਝਨਾਂ ਦਿਆ ਮਾਲਕਾ, ਹੇ ਰਾਂਝਣ ਦਿਆ ਪਾਲਕਾ। ਕੋਮਲ ਹੁਨਰਾਂ ਦਿਆ ਬਾਦਸ਼ਾਹ, ਹੇ ਵਾਰਸ ਦਿਆ ਵਾਰਸਾ।
ਹੇ ਚੰਨਾ ਸ਼ਾਹ ਚਾਤਾਂ ਦਿਆ।
ਹੇ ਇੰਦਰਾ ਬਰਸਾਤ ਦਿਆਂ । ਹੇ ਘਟਾ ਝੁਲਾਉਣ ਵਾਲਿਆ, ਕੂਲ੍ਹਾਂ ਲਹਿਰਾਉਣ ਵਾਲਿਆ। ਹੇ ਮੋਰ ਨਚਾਵਣ ਵਾਲਿਆ, ਪੰਛੀ ਪਰਚਾਵਣ ਵਾਲਿਆ। ਕਿਰਸਾਨਾਂ ਦਿਆ ਸਹਾਰਿਆ। ਉੱਚੇ ਇਕਬਾਲ ਪਿਆਰਿਆ। ਮੈਂ ਇਕੋ ਗੱਲ ਹਾਂ ਭਾਲਦਾ, ਮਹਿਰਮ ਕਰ ਆਪਣੇ ਹਾਲ ਦਾ ।
ਲੇਖਕ : ਹਰਿੰਦਰ ਸਿੰਘ ਰੂਪ