ਚੈਟਜੀਪੀਟੀ ਦੇ ਜਨਤਕ ਰਿਲੀਜ਼ ਤੋਂ ਕੁਝ ਸਮੇਂ ਬਾਅਦ, ਓਪਨਏਆਈ ਦੇ ਸੀਈਓ ਸੈਮ ਆਲਟਮੈਨ ਨੇ ਆਪਣੇ ਕਰਮਚਾਰੀਆਂ ਨੂੰ ਕਿਹਾ ਸੀ ਕਿ ਉਹ ਇਕ ਨਵੀਂ ਤਕਨਾਲੋਜੀਕਲ ਇਨਕਲਾਬ ਦੇ ਮੁਹਾਨੇ ‘ਤੇ ਖੜ੍ਹੇ ਹਨ। ਉਸਨੇ ਕਿਹਾ ਸੀ ਕਿ ਓਪਨਏਆਈ ”ਸਿਲਿਕਾਨ ਵੈਲੀ ਦੇ ਇਤਿਹਾਸ ਵਿੱਚ ਸਭ ਤੋਂ ਮਹੱਤਵਪੂਰਨ ਕੰਪਨੀ” ਬਣ ਸਕਦੀ ਹੈ।
ਅਮਰੀਕੀ ਟੈਕ ਇੰਡਸਟਰੀ ਵਿੱਚ ਮਹੱਤਵਕਾਂਸ਼ਾ ਦੀ ਕੋਈ ਘਾਟ ਨਹੀਂ ઠਮਾਰਕ ਜ਼ੁਕਰਬਰਗ, ਜੈਫ ਬੇਜ਼ੋਸ ਤੇ ਇਲਾਨ ਮਸਕ ਵਰਗੇ ਦਿਗਜ ਅਕਸਰ ਦੁਨੀਆ ਬਦਲਣ ਦੀਆਂ ਗੱਲਾਂ ਕਰਦੇ ਰਹਿੰਦੇ ਹਨ। ਪਰ ਆਲਟਮੈਨ ਦੀ ਸੋਚ ਉਹਨਾਂ ਸਭ ਤੋਂ ਵੀ ਵੱਡੀ ਦਿਖਾਈ ਦੇ ਰਹੀ ਹੈ।
ਮਾਇਕਰੋਸਾਫਟ ਨਾਲ ਨਵੀਂ ਡੀਲ ਦੇ ਬਾਅਦ, ਜਿਸ ਨਾਲ ਓਪਨਏਆਈ ਨੂੰ ਪੂੰਜੀ ਇਕੱਠੀ ਕਰਨ ‘ਤੇ ਕੋਈ ਸੀਮਾ ਨਹੀਂ ਰਹੀ, ਆਲਟਮੈਨ ਨੇ ਐਲਾਨ ਕੀਤਾ ਕਿ ਕੰਪਨੀ ਹੁਣ 1.4 ਟ੍ਰਿਲੀਅਨ ਡਾਲਰ ਦੀ ਲਾਗਤ ਨਾਲ 30 ਗਿਗਾਵਾਟ ਕਮਪਿਊਟਿੰਗ ਰਿਸੋਰਸ ਤਿਆਰ ਕਰੇਗੀ। ਉਸਨੇ ਕਿਹਾ ਕਿ ਭਵਿੱਖ ਵਿੱਚ ਓਪਨਏਆਈ ਹਫ਼ਤੇ ਵਿੱਚ 1 ਗਿਗਾਵਾਟ ਨਵੀਂ ਕਮਪਿਊਟਿੰਗ ਸ਼ਕਤੀ ਜੋੜੇਗੀ ઠਜੋ ਅੱਜ ਦੀ ਤਕਨਾਲੋਜੀ ਦੁਨੀਆ ਵਿੱਚ ਇਕ ”ਅਸੰਭਵ ਜਿਹੀ” ਗਿਣਤੀ ਮੰਨੀ ਜਾ ਰਹੀ ਹੈ।
ਵਿੱਤੀ ਵਿਸ਼ਲੇਸ਼ਕ ਗਿਲ ਲੂਰਿਆ ਨੇ ਕਿਹਾ, ”ਏਆਈ ਹੁਣ ਰਾਜਿਆਂ ਦਾ ਖੇਡ ਬਣ ਗਿਆ ਹੈ, ਅਤੇ ਆਲਟਮੈਨ ਜਾਣਦਾ ਹੈ ਕਿ ਉਸਨੂੰ ਬਹੁਤ ਵੱਡੇ ਪੱਧਰ ‘ਤੇ ਕੰਮ ਕਰਨਾ ਪਵੇਗਾ।” ਹਾਲਾਂਕਿ ਆਲਟਮੈਨ ਨੇ ਆਪਣੇ ਇਹ ਸੁਪਨੇ ਪੂਰੇ ਕਰਨ ਲਈ ਵਿਸਥਾਰਕ ਯੋਜਨਾਵਾਂ ਸਾਂਝੀਆਂ ਨਹੀਂ ਕੀਤੀਆਂ, ਪਰ ਉਹ ਕਈ ਨਵੇਂ ਫ਼ਾਇਨੈਨਸ਼ਲ ਮਾਡਲ ਖੰਗਾਲ ਰਿਹਾ ਹੈ। ਓਪਨਏਆਈ ਨੇ ਨਵਿਡੀਆ ਅਤੇ ਹੋਰ ਕੰਪਨੀਆਂ ਨਾਲ ਕਈ ਅਜਿਹੇ ਕਰਾਰ ਕੀਤੇ ਹਨ ਜਿਨ੍ਹਾਂ ‘ਤੇ ਇਹ ਦੋਸ਼ ਲੱਗੇ ਕਿ ਇਹ ਸਿਰਫ਼ ਵਾਧੇ ਦਾ ਭਰਮ ਪੈਦਾ ਕਰਦੇ ਹਨ।
ਇਸ ਸਾਲ ਦੇ ਸ਼ੁਰੂ ਵਿੱਚ, ਆਲਟਮੈਨ ਨੇ ਵਾਈਟ ਹਾਊਸ ਵਿੱਚ ਖੁਦ ਜਾ ਕੇ ”ਸਟਾਰਗੇਟ ਪ੍ਰੋਜੈਕਟ” ਦਾ ਐਲਾਨ ਕੀਤਾ ઠਜੋ 500 ਬਿਲੀਅਨ ਡਾਲਰ ਦਾ ਏਆਈ ਇੰਫਰਾਸਟ੍ਰਕਚਰ ਪ੍ਰੋਜੈਕਟ ਹੈ। ਇਸ ਪ੍ਰੋਜੈਕਟ ਵਿੱਚ ਓਰਾਕਲ, ਨਵਿਡੀਆ, ਸਾਫ਼ਟਬੈਂਕ ਅਤੇ ਕਲਾਉਡ ਪ੍ਰੋਵਾਈਡਰ ਕੋਰਵੀਵ ਵਰਗੀਆਂ ਵੱਡੀਆਂ ਕੰਪਨੀਆਂ ਸਾਥੀ ਹਨ।
ਉਸ ਸਮੇਂ ਆਲਟਮੈਨ ਨੇ ਕਿਹਾ ਸੀ ਕਿ ਸਟਾਰਗੇਟ 10 ਗਿਗਾਵਾਟ ਡਾਟਾ ਸੈਂਟਰ ਸਮਰੱਥਾ ਤਿਆਰ ਕਰੇਗਾ ઠਹੁਣ ਇਹ ਟੀਚਾ ਤਿੰਨ ਗੁਣਾ ਵਧ ਕੇ 30 ਗਿਗਾਵਾਟ ਹੋ ਗਿਆ ਹੈ। ਆਲਟਮੈਨ ਦਾ ਕਹਿਣਾ ਹੈ ਕਿ ਇਸ ਨਾਲ ਹਜ਼ਾਰਾਂ ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ ਅਤੇ ਓਪਨਏਆਈ ਦੀ ਸਾਲਾਨਾ ਆਮਦਨ ਸੈਂਕੜੇ ਬਿਲੀਅਨ ਡਾਲਰ ਤੱਕ ਪਹੁੰਚ ਸਕਦੀ ਹੈ।
ਵਰਤਮਾਨ ਵਿੱਚ, ਓਪਨਏਆਈ ਦਾ ਰੇਵਨਿਊ ਰਨ ਰੇਟ 20 ਬਿਲੀਅਨ ਡਾਲਰ ਸਾਲਾਨਾ ਹੈ, ਜਿਸਨੂੰ ਆਲਟਮੈਨ ਦਸ ਗੁਣਾ ਵਧਾਉਣ ਦੀ ਯੋਜਨਾ ਬਣਾ ਰਿਹਾ ਹੈ।
ਆਲਟਮੈਨ ਦਾ ਆਪਣਾ ਤਨਖਾਹ ਸਿਰਫ਼ $76,000 ਹੈ, ਅਤੇ ਉਹ ਓਪਨਏਆਈ ਵਿੱਚ ਕੋਈ ਸ਼ੇਅਰ ਨਹੀਂ ਰੱਖਦਾ। ਉਸਦੀ ਵੱਡੀ ਦੌਲਤ ਉਸਦੇ ਸਟ੍ਰਾਈਪ, ਏਅਰਬੀਐਨਬੀ ਅਤੇ ਕਈ ਏਆਈ ਸਟਾਰਟਅਪਸ ਵਿੱਚ ਨਿਵੇਸ਼ਾਂ ਤੋਂ ਆਉਂਦੀ ਹੈ।
ਹਾਲਾਂਕਿ ਆਲਟਮੈਨ ਨੇ ਬਹੁਤ ਸਾਰੇ ਸਹਿਯੋਗੀ ਬਣਾਏ ਹਨ, ਪਰ ਕੁਝ ਵਿਰੋਧੀ ਵੀ। ਇਲਾਨ ਮਸਕ, ਜੋ ਓਪਨਏਆਈ ਦੇ ਸਹਿ-ਸੰਸਥਾਪਕ ਸਨ, ਨੇ ਉਸ ‘ਤੇ ਕੰਪਨੀ ਦੇ ਗੈਰ-ਮੁਨਾਫ਼ਾ ਮਿਸ਼ਨ ਤੋਂ ਹਟਣ ਦਾ ਦੋਸ਼ ਲਗਾਇਆ ਹੈ ਅਤੇ ਮੁਕੱਦਮਾ ਕੀਤਾ ਹੈ।
2023 ਵਿੱਚ ਆਲਟਮੈਨ ਨੂੰ ਓਪਨਏਆਈ ਬੋਰਡ ਨੇ ਕੁਝ ਦਿਨਾਂ ਲਈ ਹਟਾ ਦਿੱਤਾ ਸੀ, ਪਰ ਜਨਤਕ ਦਬਾਅ ਬਾਅਦ ਉਸਨੂੰ ਮੁੜ ਸਥਾਪਿਤ ਕੀਤਾ ਗਿਆ।
ਅਗਲੇ ਸਾਲ ਹਾਲੀਵੁੱਡ ਵਿੱਚ ਉਸ ਘਟਨਾ ‘ਤੇ ਆਧਾਰਿਤ ਫਲਿਮ ”ਆਰਟੀਫ਼ੀਸ਼ਲ” ਰਿਲੀਜ਼ ਹੋਵੇਗੀ, ਜਿਸ ਵਿੱਚ ਐਂਡਰੂ ਗਾਰਫ਼ੀਲਡ ਸੈਮ ਆਲਟਮੈਨ ਦਾ ਕਿਰਦਾਰ ਨਿਭਾਏਗਾ।