ਵਾਸ਼ਿੰਗਟਨ (ਬਰਾੜ ਭਗਤਾ ਭਾਈਕਾ): ਅਮਰੀਕੀ ਹਾਊਸ ਆਫ਼ ਰਿਪ੍ਰਜ਼ੈਂਟੇਟਿਵਜ਼ ਨੇ ਬੁੱਧਵਾਰ ਨੂੰ ਦੇਸ਼ ਦੇ ਸਭ ਤੋਂ ਲੰਬੇ 43 ਦਿਨਾਂ ਦੇ ਇਤਿਹਾਸਕ ਸਰਕਾਰੀ ਸ਼ਟਡਾਊਨ ਨੂੰ ਖਤਮ ਕਰਨ ਲਈ ਬਿਲ ਪਾਸ ਕਰ ਦਿੱਤਾ। ਹੁਣ ਇਹ ਬਿਲ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦਸਤਖ਼ਤ ਲਈ ਭੇਜਿਆ ਗਿਆ ਹੈ, ਜਿਸ ਤੋਂ ਬਾਅਦ ਫੈਡਰਲ ਸਰਕਾਰ ਦੀ ਕਾਰਗੁਜ਼ਾਰੀ ਮੁੜ ਸ਼ੁਰੂ ਹੋ ਜਾਵੇਗੀ।
ਸ਼ਟਡਾਊਨ ਨੇ ਫੈਡਰਲ ਕਰਮਚਾਰੀਆਂ ਨੂੰ ਕਈ ਹਫ਼ਤਿਆਂ ਤੱਕ ਤਨਖਾਹ ਤੋਂ ਬਿਨਾਂ ਰਹਿਣ ਲਈ ਮਜਬੂਰ ਕੀਤਾ, ਹਵਾਈ ਅੱਡਿਆਂ ‘ਤੇ ਯਾਤਰੀਆਂ ਦੀਆਂ ਲੰਬੀਆਂ ਲਾਈਨਾਂ ਲੱਗੀਆਂ, ਅਤੇ ਬਹੁਤ ਸਾਰੇ ਪਰਿਵਾਰ ਖਾਣੇ ਲਈ ਫੂਡ ਬੈਂਕਾਂ ਦੇ ਦੌਰੇ ਕਰਦੇ ਨਜ਼ਰ ਆਏ।
ਹਾਊਸ ਦੇ ਮੈਂਬਰ ਲਗਭਗ ਅੱਠ ਹਫ਼ਤਿਆਂ ਦੀ ਛੁੱਟੀ ਤੋਂ ਬਾਅਦ ਇਸ ਹਫ਼ਤੇ ਵਾਸੰਿਗਟਨ ਵਾਪਸ ਆਏ। 222-209 ਦੇ ਵੋਟਾਂ ਨਾਲ ਬਿਲ ਪਾਸ ਹੋਇਆ, ਜਿਸ ਵਿੱਚ ਰਿਪਬਲਿਕਨਾਂ ਦੀ ਹਲਕੀ ਬਹੁਮਤ ਨੇ ਅਹਿਮ ਭੂਮਿਕਾ ਨਿਭਾਈ। ਸੈਨੇਟ ਇਸ ਬਿਲ ਨੂੰ ਪਹਿਲਾਂ ਹੀ ਪਾਸ ਕਰ ਚੁੱਕੀ ਹੈ।
ਡੈਮੋਕ੍ਰੈਟਸ ਦੀ ਮੰਗ ਸੀ ਕਿ ਬਿਲ ਵਿੱਚ ਉਹ ਹੈਲਥ ਇਨਸ਼ੋਰੈਂਸ ਟੈਕਸ ਕਰੈਡਿਟ ਵੀ ਵਧਾਇਆ ਜਾਵੇ ਜੋ ਇਸ ਸਾਲ ਦੇ ਅੰਤ ‘ਚ ਖਤਮ ਹੋ ਰਿਹਾ ਹੈ। ਇਹ ਕਰੈਡਿਟ Affordable Care Act ਦੇ ਤਹਿਤ ਹੈ ਅਤੇ ਘੱਟ ਆਮਦਨ ਵਾਲੇ ਲੋਕਾਂ ਦੇ ਇਨਸ਼ੋਰੈਂਸ ਖਰਚੇ ਘਟਾਉਂਦਾ ਹੈ। ਪਰ ਰਿਪਬਲਿਕਨਾਂ ਨੇ ਕਿਹਾ ਕਿ ਇਹ ਇੱਕ ਵੱਖਰਾ ਮੁੱਦਾ ਹੈ ਜਿਸ ‘ਤੇ ਬਾਅਦ ਵਿੱਚ ਚਰਚਾ ਹੋਣੀ ਚਾਹੀਦੀ ਹੈ।
ਹਾਊਸ ਐਪ੍ਰੋਪ੍ਰੀਏਸ਼ਨ ਕਮੇਟੀ ਦੇ ਰਿਪਬਲਿਕਨ ਚੇਅਰਮੈਨ ਟਾਮ ਕੋਲ ਨੇ ਕਿਹਾ: ”ਅਸੀਂ 43 ਦਿਨ ਪਹਿਲਾਂ ਵੀ ਕਿਹਾ ਸੀਔਸਰਕਾਰੀ ਸ਼ਟਡਾਊਨ ਕਦੇ ਕੰਮ ਨਹੀਂ ਕਰਦੇ। ਤੁਸੀਂ ਆਪਣਾ ਉਦੇਸ਼ ਨਹੀਂ ਹਾਸਲ ਕਰ ਸਕਦੇ, ਨਾ ਤਾਂ ਪਹਿਲਾਂ ਕੀਤਾ, ਨਾ ਹੁਣ ਕਰੋਗੇ।”
ਹਾਊਸ ਸਪੀਕਰ ਮਾਈਕ ਜੌਨਸਨ ਨੇ ਡੈਮੋਕ੍ਰੈਟਸ ਨੂੰ ਦੋਸ਼ ਲਗਾਇਆ ਕਿ ਉਹ ਸ਼ਟਡਾਊਨ ਨਾਲ ਪੈਦਾ ਹੋਏ ਦਰਦ ਨੂੰ ਆਪਣੇ ਰਾਜਨੀਤਿਕ ਫਾਇਦੇ ਲਈ ਵਰਤ ਰਹੇ ਹਨ।
ਉਨ੍ਹਾਂ ਕਿਹਾ, ”ਉਨ੍ਹਾਂ ਨੂੰ ਪਤਾ ਸੀ ਇਹ ਦਰਦ ਪੈਦਾ ਕਰੇਗਾ, ਪਰ ਉਹ ਫਿਰ ਵੀ ਇਹ ਕਰਨ ਤੋਂ ਨਹੀਂ ਰੁਕੇ।” ਡੈਮੋਕ੍ਰੈਟਸ ਨੇ ਵਾਪਸੀ ਜਵਾਬ ਦਿੱਤਾ ਕਿ ਰਿਪਬਲਿਕਨਾਂ ਨੇ ਸਾਲ ਦੀ ਸ਼ੁਰੂਆਤ ਵਿੱਚ ਅਮੀਰਾਂ ਲਈ ਕਰ ਛੂਟ ਤੇਜ਼ੀ ਨਾਲ ਪਾਸ ਕਰ ਦਿੱਤੀ, ਪਰ ਆਮ ਲੋਕਾਂ ਲਈ ਸਹਾਇਤਾ ਨੂੰ ਰੋਕ ਲਿਆ। ਡੈਮੋਕ੍ਰੈਟ ਤਰਫ਼ੋਂ ਹਕੀਮ ਜੈਫਰੀਸ ਨੇ ਕਿਹਾ ਕਿ ਉਹ ਹੇਲਥ ਇਨਸ਼ੋਰੈਂਸ ਸਬਸਿਡੀ ਵਧਾਉਣ ਦੀ ਲੜਾਈ ਜਾਰੀ ਰੱਖਣਗੇ, ਚਾਹੇ ਇਹ ਵੋਟ ਉਨ੍ਹਾਂ ਦੇ ਖਿਲਾਫ਼ ਕਿਉਂ ਨਾ ਗਈ ਹੋਵੇ।