ਵਾਸ਼ਿੰਗਟਨ : ਅਮਰੀਕਾ ਦੀ ਆਰਮੀ ਦੇ ਇੱਕ ਗਾਇਨਾਕੋਲੋਜਿਸਟ ‘ਤੇ ਗੰਭੀਰ ਯੌਨ ਦੁਰਵਿਵਹਾਰ ਅਤੇ ਮਰੀਜ਼ਾਂ ਦੀ ਗੁਪਤ ਵੀਡੀਓ ਬਣਾਉਣ ਦੇ ਦੋਸ਼ ਲੱਗੇ ਹਨ। ਇਹ ਦਾਅਵੇ ਇੱਕ ਮਹਿਲਾ ਮਰੀਜ਼ ਵੱਲੋਂ ਅਮਰੀਕੀ ਡਿਪਾਰਟਮੈਂਟ ਆਫ਼ ਆਰਮੀ ਦੇ ਖਲਿਾਫ਼ ਬੈਲ ਕਾਊਂਟੀ, ਟੈਕਸਾਸ ‘ਚ ਦਰਜ ਕਰਵਾਏ ਕੇਸ ਦਾ ਹਿੱਸਾ ਹਨ।
ਦੋਸ਼ੀ ਡਾਕਟਰ ਡਾ. ਬਲੇਨ ਮੈਕਗਰਾਅ, ਜੋ ਫ਼ੋਰਟ ਹੂਡ, ਟੈਕਸਾਸ ਦੇ Carl R. Darnall Army Medical Center ‘ਚ OB-GYN ਵਜੋਂ ਕੰਮ ਕਰ ਰਿਹਾ ਸੀ, ‘ਤੇ ਆਰੋਪ ਹੈ ਕਿ ਉਸਨੇ ਸਾਲਾਂ ਤੱਕ ਦਰਜਨਾਂ ਮਹਿਲਾ ਮਰੀਜ਼ਾਂ ਦੀਆਂ ਜਾਣ-ਬੁੱਝ ਕੇ ਗੁਪਤ ਵੀਡੀਓਆਂ ਅਤੇ ਤਸਵੀਰਾਂ ਬਣਾਈਆਂ। ਕੇਸ ਵਿੱਚ ਦਾਅਵਾ ਹੈ ਕਿ ਉਸਨੇ ”ਇਲਾਜ ਦੇ ਨਾਂ ‘ਤੇ ਜਿਨਸੀ ਛੇੜਛਾੜ” ਕੀਤੀ, ਗਲਤ ਤਬੀਬੀ ਪਰਖਾਂ ਕੀਤੀਆਂ ਅਤੇ ਨਰਸਿੰਗ ਸਟਾਫ਼ ਦੀ ਮੌਜੂਦਗੀ ਬਿਨਾਂ ਪ੍ਰੋਟੋਕੋਲ ਦੀ ਉਲੰਘਣਾ ਕੀਤੀ।
ਮੈਕਗਰਾਅ ਵਿਰੁੱਧ ਇਹ ਕੇਸ ਇੱਕ ਮਹਿਲਾ, ਜੈਨ ਡੋ 1, ਨੇ ਦਰਜ ਕਰਵਾਇਆ ਹੈ। ਕੇਸ ਦੀਆਂ ਦਸਤਾਵੇਜ਼ਾਂ ਦੇ ਮੁਤਾਬਕ, ਆਰਮੀ ਨੇ ਕਈ ਸਾਲਾਂ ਤੱਕ ਉਸ ਸਨਦੇਹੀ ਡਾਕਟਰ ਵਿਰੁੱਧ ਆਉਣ ਵਾਲੀਆਂ ਸਕਿਾਇਤਾਂ ਨੂੰ ਨਜ਼ਰਅੰਦਾਜ਼ ਕੀਤਾ।
ਕੇਸ ਵਿੱਚ ਕਿਹਾ ਗਿਆ ਹੈ: ”ਇਸ ਤਰ੍ਹਾਂ, ਆਰਮੀ ਨੇ Y1XI ਵਿੱਚ ਮੌਜੂਦ ਇੱਕ ਨੂੰ ਸੁਰੱਖਿਆ ਮੁਹੱਈਆ ਕਰਵਾਈ।”
ਮੋਬਾਈਲ ‘ਚੋਂ ਹਜ਼ਾਰਾਂ ਵੀਡੀਓਆਂ ਅਤੇ
ਤਸਵੀਰਾਂ ਮਿਲੀਆਂ
ਅਮਰੀਕੀ ਮੀਡੀਆ ਦੇ ਅਨੁਸਾਰ, ਆਰਮੀ ਜਾਂਚਕਰਤਿਆਂ ਨੇ ਡਾਕਟਰ ਦੇ ਮੋਬਾਈਲ ਫ਼ੋਨ ਤੋਂ ਹਜ਼ਾਰਾਂ ਤਸਵੀਰਾਂ ਅਤੇ ਵੀਡੀਓਆਂ ਬਰਾਮਦ ਕੀਤੀਆਂ, ਜਿਨ੍ਹਾਂ ਵਿੱਚ ਕਈ ਸਾਲਾਂ ਦੌਰਾਨ ਦਰਜਨਾਂ ਮਹਿਲਾ ਮਰੀਜ਼ਾਂ ਦੇ ਸਰੀਰ ਦੇ ਹਿੱਸੇ ਕੈਦ ਕੀਤੇ ਗਏ ਸਨਔਕਈ ਮਹਿਲਾਵਾਂ ਦੀ ਪਛਾਣ ਵੀ ਹਜੇ ਨਹੀਂ ਹੋ ਸਕੀ।
ਜੈਨ ਡੋ ਨੂੰ ਪਿਛਲੇ ਮਹੀਨੇ ਆਰਮੀ ਜਾਂਚਕਰਤਿਆਂ ਨੇ ਇੱਕ ਕਾਲ ਕਰਕੇ ਫ਼ੋਰਟ ਹੂਡ ਬੁਲਾਇਆ। ਉੱਥੇ ਉਸਨੂੰ ਡਾਕਟਰ ਦੇ ਫ਼ੋਨ ਤੋਂ ਮਿਲੀਆਂ ਸਕ੍ਰੀਨਸ਼ਾਟ ਤਸਵੀਰਾਂ ਦਿਖਾਈਆਂ, ਜੋ ਬਿਨਾਂ ਉਸਦੀ ਜਾਣਕਾਰੀ ਦੇ ਉਸਦੇ ਬ੍ਰੈਸਟ ਅਤੇ ਪੈਲਵਿਕ ਪਰੀਖਣ ਦੌਰਾਨ ਰਿਕਾਰਡ ਕੀਤੀਆਂ ਗਈਆਂ ਸਨ।
ਕੇਸ ਵਿੱਚ ਲਿਖਿਆ ਕਿ ”ਜੈਨ ਡੋ ਨੇ ਇਹ ਤਸਵੀਰਾਂ ਵੇਖ ਕੇ ਸਪਸ਼ਟ ਤੌਰ ‘ਤੇ ਆਪਣੇ ਆਪ ਨੂੰ ਪਛਾਣ ਲਿਆ ਅਤੇ ਮੀਟਿੰਗ ਤੋਂ ਬਾਅਦ ਗੱਡੀ ਵਿੱਚ ਬੈਠ ਕੇ ਰੋਣ ਲੱਗ ਪਈ। ਉਸਦਾ ਸੁਰੱਖਿਆ ਭਾਵ ਪੂਰੀ ਤਰ੍ਹਾਂ ਟੁੱਟ ਗਿਆ ਸੀ।”
ਜੈਨ ਡੋ ਨੇ ਕਿਹਾ ਕਿ ”ਮੈਂ ਖੁਦ ਨੂੰ ਤੋੜਿਆ ਹੋਇਆ, ਬੇਨਕਾਬ ਅਤੇ ਡਰੀ ਹੋਈ ਮਹਿਸੂਸ ਕਰਦੀ ਹਾਂ। ਇਹ ਉਹ ਜ਼ਖ਼ਮ ਹੈ ਜੋ ਕਦੇ ਭਰਦਾ ਨਹੀਂ।”
ਹਵਾਈ ਵਿੱਚ ਵੀ ਪਹਿਲਾਂ ਤੋਂ ਸ਼ਿਕਾਇਤਾਂ ਮੌਜੂਦ
ਕੇਸ ਦਾ ਦਾਅਵਾ ਹੈ ਕਿ ਡਾਕਟਰ ਵਿਰੁੱਧ ਪਹਿਲੀਆਂ ਸਕਿਾਇਤਾਂ ਉਸਦੇ ਹਵਾਈ ਦੇ Tripler Army Medical Center ‘ਚ ਕੰਮ ਕਰਦੇ ਸਮੇਂ ਆਈਆਂ ਸਨ। ਪਰ ਦਸਤਾਵੇਜ਼ਾਂ ਅਨੁਸਾਰ, ਆਰਮੀ ਦੇ ਕੁਝ ਅਧਿਕਾਰੀਆਂ ਨੇ ਉਹ ਸਕਿਾਇਤਾਂ ”ਹੰਸੀ ਵਿੱਚ ਉਡਾ ਦਿੱਤੀਆਂ।”
ਡਾਕਟਰ ਮੈਕਗਰਾਅ ਨੂੰ ਅਕਤੂਬਰ ਦੇ ਅੰਤ ਵਿੱਚ ਮੁਅੱਤਲ ਕਰ ਦਿੱਤਾ ਗਿਆ ਅਤੇ ਇਸ ਸਮੇਂ ਆਰਮੀ ਦੁਆਰਾ ਜਾਂਚ ਅਧੀਨ ਹੈ। ਫ਼ੋਰਟ ਹੂਡ ਨੇ ਕਿਹਾ ਹੈ ਕਿ ਉਹ ਉਸਦੇ ਪੁਰਾਣੇ ਸਾਰੇ ਮਰੀਜ਼ਾਂ ਨਾਲ ਸੰਪਰਕ ਕਰ ਰਹੇ ਹਨ, ਭਾਵੇਂ ਉਹਨਾਂ ਨੂੰ ਹਜੇ ਕੋਈ ਨੁਕਸਾਨ ਦੀ ਪੁਸ਼ਟੀ ਨਹੀਂ ਮਿਲੀ।
ਆਰਮੀ ਨੇ ਦਾਅਵਾ ਕੀਤਾ ਹੈ ਕਿ ਕਈ ਪੱਖਾਂ ਤੋਂ ਜਾਂਚ ਜਾਰੀ ਹੈ, ਜਿਸ ਵਿੱਚ ਨੀਤੀਆਂ, ਕਲੀਨੀਕਲ ਕਾਰਜ-ਪ੍ਰਕਿਰਿਆਵਾਂ ਅਤੇ ਸੁਰੱਖਿਆ ਪ੍ਰਣਾਲੀਆਂ ਦੀ ਸਮੀਖਿਆ ਸ਼ਾਮਲ ਹੈ।
