427-1 ਵੋਟਾਂ ਨਾਲ ਬਿੱਲ ਪਾਸ; 30 ਦਿਨਾਂ ਵਿੱਚ ਐਪਸਟਿਨ ਮਾਮਲੇ ਦੀਆਂ ਫ਼ਾਈਲਾਂ ਜਨਤਕ ਹੋਣਗੀਆਂ
ਸਰੀ : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟ੍ਰੰਪ ਨੇ ਬੁੱਧਵਾਰ ਨੂੰ ਉਹ ਬਿੱਲ ਸਾਈਨ ਕਰ ਦਿੱਤਾ ਜਿਸ ਨਾਲ ਹੁਣ ਅਮਰੀਕੀ ਜਸਟਿਸ ਡੀਪਾਰਟਮੈਂਟ ਨੂੰ ਜੈਫ਼ਰੀ ਐਪਸਟਿਨ ਮਾਮਲੇ ਨਾਲ ਜੁੜੀਆਂ ਸਾਰੀਆਂ ਫ਼ਾਈਲਾਂ ਅਤੇ ਜਾਂਚ ਰਿਕਾਰਡ ਜਾਰੀ ਕਰਨੇ ਪੈਣਗੇ। ਇਹ ਫ਼ੈਸਲਾ ਟ੍ਰੰਪ ਵੱਲੋਂ ਉਸ ਸਮੇਂ ਆਇਆ ਜਦੋਂ ਉਹ ਆਪਣੀ ਹੀ ਰਿਪਬਲਿਕਨ ਪਾਰਟੀ ਦੇ ਤਗੜੇ ਰਾਜਨੀਤਿਕ ਦਬਾਅ ਦਾ ਸਾਹਮਣਾ ਕਰ ਰਹੇ ਸਨ। ਟ੍ਰੰਪ ਕੋਲ ਇਹ ਰਿਕਾਰਡ ਆਪਣੇ ਤੌਰ ‘ਤੇ ਮਹੀਨਿਆਂ ਪਹਿਲਾਂ ਜਾਰੀ ਕਰਨ ਦਾ ਅਧਿਕਾਰ ਸੀ, ਪਰ ਉਹਨਾਂ ਨੇ ਇਹ ਨਾ ਕੀਤਾ।
ਬਿੱਲ ਹੁਣ ਕਾਨੂੰਨ ਬਣ ਚੁੱਕਾ ਹੈ ਅਤੇ ਇਸ ਮੁਤਾਬਕ ਜਸਟਿਸ ਡੀਪਾਰਟਮੈਂਟ ਨੂੰ 30 ਦਿਨਾਂ ਦੇ ਅੰਦਰ ਇਹ ਸਾਰੇ ਰਿਕਾਰਡ ਜਾਰੀ ਕਰਨੇ ਲਾਜ਼ਮੀ ਹੋਣਗੇ। ਇਹ ਰਿਕਾਰਡ ਹੇਠ ਲਿਖੀਆਂ ਚੀਜ਼ਾਂ ਨੂੰ ਸ਼ਾਮਲ ਕਰਦੇ ਹਨ:
ਐਪਸਟਿਨ ਅਤੇ ਉਸ ਦੀ ਸਹ-ਸਾਜ਼ੀਦਾਰ ਘਿਸਲੇਨ ਮੈਕਸਵੈਲ ਨਾਲ ਜੁੜੇ ਦਸਤਾਵੇਜ਼
ਪੀੜਤਾਂ ਅਤੇ ਗਵਾਹਾਂ ਦੇ ਇੰਟਰਵਿਊ
ਅੰਦਰੂਨੀ ਜਸਟਿਸ ਡੀਪਾਰਟਮੈਂਟ ਸੰਚਾਰ
2019 ਵਿੱਚ ਐਪਸਟਿਨ ਦੀ ਜੇਲ੍ਹ ਮੌਤ ਨਾਲ ਜੁੜੀ ਜਾਂਚ
ਕਾਨੂੰਨੀ ਮਾਮਲਿਆਂ ਦੇ ਤਹਿਤ ਜ਼ਬਤ ਕੀਤਾ ਸਮੱਗਰੀ
ਹਾਲਾਂਕਿ, ਕੁਝ ਜਾਣਕਾਰੀ ਖਾਸ ਕਰਕੇ ਪੀੜਤਾਂ ਦੀ ਪਹਿਚਾਣ ਜਾਂ ਸਰਗਰਮ ਜਾਂਚਾਂ ਦੀ ਰੱਖਿਆ ਲਈ ਰੋਕੀ ਜਾ ਸਕਦੀ ਹੈ। ਪਰ ਕਾਨੂੰਨ ਮੁਤਾਬਕ ਜਸਟਿਸ ਡੀਪਾਰਟਮੈਂਟ ਕਿਸੇ ਵੀ ਰਿਕਾਰਡ ਨੂੰ ”ਰਾਜਨੀਤਿਕ ਸ਼ਰਮਿੰਦਗੀ ਨੂੰ ਨੁਕਸਾਨ ਜਾਂ ਸਿਆਸੀ ਸੰਵੇਦਨਸ਼ੀਲਤਾ” ਦੇ ਨਾਂ ‘ਤੇ ਲੁਕਾ ਨਹੀਂ ਸਕੇਗਾ।
ਟਰੰਪ ਨੇ ਐਤਵਾਰ ਨੂੰ ਇੱਕ ਅਚਾਨਕ ਯੂ-ਟਰਨ ਲੈਂਦਿਆਂ ਕਿਹਾ ਕਿ ਰਿਕਾਰਡ ਜਾਰੀ ਕਰਨ ਵਿੱਚ ”ਕੁਝ ਛੁਪਾਉਣ ਵਾਲੀ ਗੱਲ ਨਹੀਂ।”
ਪਿਛਲੇ ਹਫ਼ਤੇ ਤੱਕ ਉਹ ਬਿੱਲ ਦਾ ਵਿਰੋਧ ਕਰ ਰਹੇ ਸਨ ਅਤੇ ਰਿਪਬਲਿਕਨ ਨੇਤ੍ਰਿਤਵ ਵੀ ਉਨ੍ਹਾਂ ਦੇ ਨਾਲ ਸੀ।
ਪਰ ਜਿਵੇਂ-ਜਿਵੇਂ ਕਾਂਗਰਸ ‘ਚ ਇਸ ਬਿੱਲ ਲਈ ਬਹੁਤ ਵੱਡਾ ਸਮਰਥਨ ਬਣਦਾ ਗਿਆ। ਰਿਪਬਲਿਕਨ ਮੈਂਬਰਾਂ ਦੇ ਦਬਾਅ ਨਾਲ ਟ੍ਰੰਪ ਨੇ ਮੰਨਣਾ ਪਿਆ ਕਿ ਵਿਰੋਧ ਕਰਨਾ ਹੋਰ ਨੁਕਸਾਨਦਾਇਕ ਸਾਬਤ ਹੋਵੇਗਾ।
ਉਨ੍ਹਾਂ ਨੇ ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਕਿ ”ਮੈਂ ਨਹੀਂ ਚਾਹੁੰਦਾ ਕਿ ਰਿਪਬਲਿਕਨ ਉਹਨਾਂ ਜਿੱਤਾਂ ਤੋਂ ਧਿਆਨ ਹਟਾ ਲੈਣ ਜੋ ਅਸੀਂ ਹਾਸਲ ਕੀਤੀਆਂ ਹਨ।”
ਹਾਊਸ ਆਫ਼ ਰਿਪ੍ਰੀਜ਼ੈਂਟੇਟਿਵਜ਼ ਨੇ ਬਿੱਲ ਨੂੰ 427-1 ਵੋਟਾਂ ਨਾਲ ਪਾਸ ਕੀਤਾ।
ਇੱਕੋ ਵੋਟ ਵਿਰੋਧ ਵਿੱਚ ਸੀ, ਜੋ ਕਿ ਰਿਪਬਲਿਕਨ ਕਲੇ ਹਿਗਿਨਜ਼ ਨੇ ਪਾਈ। ਉਹ ਕਹਿੰਦੇ ਹਨ ਕਿ ਦਸਤਾਵੇਜ਼ਾਂ ਦੀ ਭਾਸ਼ਾ ”ਬੇਗੁਨਾਹ ਲੋਕਾਂ” ਦੇ ਨਾਂ ਵੀ ਸਾਹਮਣੇ ਲਿਆ ਸਕਦੀ ਹੈ।
ਅਮਰੀਕੀ ਸੈਨੇਟ ਨੇ ਬਿੱਲ ਨੂੰ ਯੂਨੀਨਿਮਸ ਕਨਸੈਂਟ ਰਾਹੀਂ ਪਾਸ ਕਰ ਦਿੱਤਾ। ਇਸਦਾ ਮਤਲਬ ਹੈ ਕਿ ਕਿਸੇ ਨੇ ਵੀ ਵਿਰੋਧ ਨਹੀਂ ਕੀਤਾ ਅਤੇ ਫ਼ੌਰੀ ਤੌਰ ‘ਤੇ ਮਨਜ਼ੂਰੀ ਦਿੱਤੀ ਗਈ।
ਜੈਫ਼ਰੀ ਐਪਸਟਿਨ ਇੱਕ ਅਮੀਰ ਫ਼ਾਇਨੈਨਸਿਅਰ ਸੀ ਜਿਹੜਾ ਵਿਸ਼ਵ ਦੇ ਤਾਕਤਵਰ ਅਤੇ ਪ੍ਰਭਾਵਸ਼ਾਲੀ ਲੋਕਾਂ ਨਾਲ ਨਜ਼ਦੀਕੀ ਰੱਖਦਾ ਸੀ।
ਉਹ 2019 ਵਿੱਚ ਨਿਊਯਾਰਕ ਦੀ ਫੈਡਰਲ ਜੇਲ੍ਹ ਵਿੱਚ ਮ੍ਰਿਤ ਮਿਲਿਆ। ਇਸਨੂੰ ਸਰਕਾਰੀ ਤੌਰ ‘ਤੇ ਆਤਮਹੱਤਿਆ ਦੱਸਿਆ ਗਿਆ।
ਟਰੰਪ ਅਤੇ ਐਪਸਟਿਨ ਕਈ ਸਾਲ ਪਹਿਲਾਂ ਇੱਕੋ ਸਮਾਜਿਕ ਮੰਡਲਾਂ ਵਿੱਚ ਮਿਲਦੇ ਸਨ। ਟ੍ਰੰਪ ਕਹਿੰਦੇ ਹਨ ਕਿ ਉਹ ਐਪਸਟਿਨ ਦੇ ਅਪਰਾਧਾਂ ਬਾਰੇ ਬੇਖ਼ਬਰ ਸਨ ਅਤੇ ਕਈ ਸਾਲ ਪਹਿਲਾਂ ਉਸ ਨਾਲ ਸੰਪਰਕ ਤੋੜ ਚੁੱਕੇ ਸਨ।
ਪਰ ਟਰੰਪ ਦੇ ਕੁਝ ਪੂਰਵ ਸਾਥੀ, ਖ਼ਾਸ ਕਰਕੇ Hardilne MAGA ਗਰੁੱਪ ਦੇ ਮੈਂਬਰ ਪਿਛਲੇ ਦੌਰਾਨ ਸਾਜ਼ਿਸ਼ ਸਿਧਾਂਤ ਫੈਲਾਉਂਦੇ ਰਹੇ ਹਨ ਕਿ ਸਰਕਾਰ ਐਪਸਟਿਨ ਦੀ ਮੌਤ ਅਤੇ ਉਸਦੇ ਰਿਕਾਰਡਾਂ ‘ਚ ਦਬਾਅ ਵਾਲੇ ਸੱਚ ਨੂੰ ਛੁਪਾ ਰਹੀ ਹੈ।
ਬਿੱਲ ਨੂੰ ਆਗੇ ਵਧਾਉਣ ਵਾਲਿਆਂ ਵਿੱਚ ਰਿਪਬਲਿਕਨ ਕਾਂਗਰਸ ਮੈਂਬਰ ਲੌਰੇਨ ਬੋਬਰਟ, ਥੌਮਸ ਮੈਸੀ, ਅਤੇ ਡੈਮੋਕ੍ਰੈਟ ਰੋ ਖੰਨਾ ਸ਼ਾਮਲ ਸਨ।
ਮੈਸੀ ਨੇ ਕਿਹਾ ਕਿ ”2030 ਵਿੱਚ ਟ੍ਰੰਪ ਰਾਸ਼ਟਰਪਤੀ ਨਹੀਂ ਹੋਵੇਗਾ। ਜੋ ਵੀ ਇਸ ਬਿੱਲ ਦੇ ਵਿਰੁੱਧ ਵੋਟ ਪਾਏਗਾ, ਉਹ ਬਾਲ-ਦੁਸ਼ਕਰਮੀਆਂ ਦੀ ਰੱਖਿਆ ਕਰਨ ਵਾਲਾ ਮੰਨਿਆ ਜਾਵੇਗਾ।”