ਹੱਦੋਂ ਵੱਧ ਵੀ ਕੁਝ ਨਾ ਹੋਵੇ ਚੰਗਾ,
ਗੱਲ ਵੱਡਿਆਂ ਦੱਸੀ ਚਿਤਾਰ ਮੀਆਂ।
ਬਹੁਤਾ ਮੀਂਹ ਸਭ ਕੁਝ ਰੋੜ੍ਹ ਲੈ ਜੇ,
ਧਰਤੀ ਖੁਰੇ ਪੈਂਦੀ ਏ ਖਾਰ ਮੀਆਂ।
ਸਭ ਥਾਵਾਂ ਨੂੰ ਉਹ ਇੱਕ ਕਰਦੇ,
ਹਰ ਪਾਸੇ ਦਿਸਦੀ ਗਾਰ ਮੀਆਂ।
ਢਾਰੇ ਗ਼ਰੀਬਾਂ ਦੇ ਨੇ ਚੋਣ ਲਾ ਦੇਵੇ,
ਕੰਧਾਂ ਕੱਚੀਆਂ ਪਾ ਦੇ ਪਾੜ ਮੀਆਂ।
ਜੇ ਨਫ਼ਾ, ਘਾਟਾ ਵੀ ਪਵੇ ਬਾਹਲਾ,
ਬਹੁਤੀ ਪੈਂਦੀ ਕਾਮੇ ਨੂੰ ਮਾਰ ਮੀਆਂ।
ਘੜੀ ਦਾ ਮੀਂਹ ਨਾ ਮੰਗਿਆ ਸੀ,
ਕਾਲ ਮੰਗਿਆਂ ਰਾਜੇ, ਹਾਰ ਮੀਆਂ।
ਮੀਂਹ ਤਾਂ ਪਿਆ ਚੰਗਾ ਲੱਗਦਾ ਏ,
ਹਵਾ ਆਂਵਦੀ ਠੰਢੀ ਠਾਰ ਮੀਆਂ।
ਪਰ ਸੁੱਕ-ਪਕੇ ਜਿਹੀ ਨਾ ਰੀਸ ਕੋਈ,
ਲੋਕੀਂ ਕਰਦੇ ਨੇ ਕੰਮ ਕਾਰ ਮੀਆਂ।
ਪੱਤੋ, ਰੱਬ ਕਰੇ ਆਪਣੀ ਮਰਜ਼ੀ ਨੂੰ,
ਉਹ ਨਾ ਸੁਣੇ ਕਿਸੇ ਦੀ ਯਾਰ ਮੀਆਂ।
ਲੇਖਕ : ਹਰਪ੍ਰੀਤ ਪੱਤੋ
ਸੰਪਰਕ : 94658-21417