ਰਿਹਾਈ ਮੰਗੀ ਸੀ ਸਿੰਘਾਂ ਬੰਦੀਆਂ ਦੀ
ਉਹਨਾਂ ਕਰਤੀ ਜਮਾਨਤ ਭੰਗੀਆਂ ਦੀ
ਮਾਵਾਂ ਮੁੱਕੀਆਂ ਸਜਾਵਾਂ ਮੁੱਕੀਆਂ ਨਾ
ਉਮਰਾਂ ਛੋਟੀਆਂ ਉਡੀਕਾਂ ਲੰਬੀਆਂ ਸੀ
ਅੰਦਰ ਬੈਠ ਜੋ ਚੰਦਰੇ ਰਹੇ ਰੋਂਦੇ
ਆ ਕੇ ਬਾਹਰ ਉਹ ਕੱਢਦੇ ਦੰਦੀਆਂ ਸੀ
ਕਿਸਮਤ ਕਦੇ ਨਾ ਬਦਲੀ ਪੰਜਾਬ ਤੇਰੀ
ਰਹੇ ਬਦਲਦੇ ਕਾਰਾਂ ਤੇ ਝੰਡੀਆਂ ਸੀ
ਗੰਦ ਵਿਕਦਾ ਵਿਚ ਬਜਾਰ ਅੱਜਕਲ
ਰਹੀ ਕਦਰ ਨਾ ਚੀਜਾਂ ਚੰਗੀਆਂ ਦੀ
ਭਾਈ ਭਾਈ ਨਾ ਮੁੜਕੇ ਕੋਲ ਆਏ
ਉਹਨਾਂ ਪਾਤੀਆਂ ਇੰਨੀਆਂ ਵੰਡੀਆਂ ਸੀ
ਚਾਪਲੂਸੀਆਂ ਰੱਜ ਕੇ ਰਹੇ ਕਰਦੇ
ਹੁਣ ਕਰਦੇ ਉਹਨਾਂ ਦੀਆਂ ਭੰਡੀਆਂ ਜੀ
ਵਾਂਗ ਗਿਰਗਟਾਂ ਰੰਗ ਹੈ ਬਦਲ ਜਾਂਦੀ
ਇਹ ਖੇਡ ਸਿਆਸਤਾਂ, ਗੰਦੀਆਂ ਦੀ
ਡਾਣਸੀਵਾਲੀਆ ਪਹਿਲਾਂ ਈ ਜੋ ਗੰਜੀਆਂ ਸੀ
ਓਹਨਾ ਕਰਨੀਆਂ ਦੱਸ ਹੁਣ ਕੰਘੀਆਂ ਕੀ
ਲੇਖਕ : ਕੁਲਵੀਰ ਸਿੰਘ ਡਾਨਸੀਵਾਲ
ਸੰਪਰਕ : 778 863 2472