ਸਰੀ ਵਿੱਚ ਵੱਡੀ ਮਾਤਰਾ ਵਿੱਚ ਹਥਿਆਰ, ਨਸ਼ੇ ਅਤੇ ਵਿਸਫੋਟਕ ਸਮੱਗਰੀ ਬਰਾਮਦ

ਸਰੀ, (ਸਿਮਰਨਜੀਤ ਸਿੰਘ): ਸਸਰੀ ਵਿੱਚ ਦੋ ਵੱਖ-ਵੱਖ ਛਾਪੇਮਾਰ ਕਾਰਵਾਈਆਂ ਦੌਰਾਨ ਆਰ.ਸੀ.ਐਮ.ਪੀ. ਨੇ ਵੱਡੀ ਮਾਤਰਾ ਵਿੱਚ ਹਥਿਆਰ, ਵਿਸਫੋਟਕ ਸਮੱਗਰੀ, ਨਸ਼ੇ ਅਤੇ ਨਕਦੀ ਬਰਾਮਦ ਕੀਤੀ ਹੈ। ਪਹਿਲਾ ਛਾਪਾ ਇੰਡਸਟਰੀਅਲ ਰੋਡ ਦੇ 12200-ਬਲਾਕ ਵਿੱਚ ਮਾਰਿਆ ਗਿਆ ਸੀ, ਜਿਸ ਵਿੱਚ 12 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਇਸ ਛਾਪੇ ਵਿੱਚ ਪੁਲਿਸ ਨੇ 13 ਕਿਲੋਗ੍ਰਾਮ (30 ਪਾਊਂਡ) ਤੋਂ ਵੱਧ ਵਿਸਫੋਟਕ ਸਮੱਗਰੀ, 16 ਹਥਿਆਰ ਅਤੇ ਚਾਰ ਹੈਂਡਗਨ, ਗੋਲੀਬਾਰੀ, ਮੈਗਜ਼ੀਨ, $10,000 ਨਕਦ ਅਤੇ ਇੱਕ ਕਿਲੋਗ੍ਰਾਮ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ।
ਇਸਦੇ ਨਾਲ ਹੀ ਪੁਲਿਸ ਨੇ ਦੋ ਚੋਰੀ ਦੀਆਂ ਗੱਡੀਆਂ, ਚੋਰੀ ਦੇ ਲਾਈਸੰਸ ਪਲੇਟ ਅਤੇ ਰੇਡੀਓ ਜੈਮਰ ਵੀ ਜ਼ਬਤ ਕੀਤੇ।
ਮਾਊਂਟੀਆਂ ਨੇ 10 ਸਤੰਬਰ ਨੂੰ ਦੁਸਰੇ ਛਾਪੇ ਦੌਰਾਨ ਹੋਰ ਤਿੰਨ ਵੱਡੇ ਹਥਿਆਰ, ਇੱਕ ਸਾਇਲੰਸਰ, ਗੋਲੀਬਾਰੀ, ਇੱਕ ਜੋੜਾ ਕ੍ਰੌਸਬੋ ਅਤੇ ਹੋਰ ਨਸ਼ੀਲੇ ਪਦਾਰਥਾਂ ਦੇ ਨਾਲ-ਨਾਲ $3,000 ਤੋਂ ਵੱਧ ਨਕਦ ਵੀ ਜ਼ਬਤ ਕੀਤੀ।
ਦੂਸਰੇ ਛਾਪੇ ਦੌਰਾਨ ਆਠ ਲੋਕ ਗ੍ਰਿਫ਼ਤਾਰ ਕੀਤੇ ਗਏ। ਪਰ ਫਿਲਹਾਲ ਪੁਲਿਸ ਨੇ ਹੁਣ ਤੱਕ ਕੋਈ ਦੋਸ਼ ਜਾਂ ਚਾਰਜ ਉਨ੍ਹਾਂ ‘ਤੇ ਨਹੀਂ ਲਗਾਏ ਹਨ।
ਇਹ ਗ੍ਰਿਫ਼ਤਾਰੀਆਂ ਅਤੇ ਛਾਪੇ ਸਰੀ ਵਿੱਚ ਨਸ਼ਿਆਂ ਦੇ ਵਿਆਪਕ ਨੈੱਟਵਰਕ ਵੱਲ ਇਸ਼ਾਰਾ ਕਰਦੇ ਹਨ, ਜਿਸ ਨੂੰ ਪੁਲਿਸ ਸਮਝਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਸਰਕਾਰ ਅਤੇ ਪੁਲਿਸ ਸੰਸਥਾਵਾਂ ਦੀ ਇਹ ਜ਼ਿੰਮੇਵਾਰੀ ਹੈ ਕਿ ਉਹ ਸਥਾਨਕ ਸਮੂਹਾਂ ਵਿੱਚ ਸੁਰੱਖਿਆ ਬਣਾਈ ਰੱਖਣ ਲਈ ਕੰਮ ਕਰਨਗੇ।