ਉੱਡ ਜਾਣਾ ਇੱਥੋਂ ਲੋਚਦੇ

ਜਿੱਥੇ ਨਸ਼ਿਆਂ ਦੀ ਭਰਮਾਰ ਹੈ
ਨਾ ਬੱਚਿਆਂ ਲਈ ਰੁਜਗਾਰ ਹੈ
ਦੁੱਖ ਸਮਝਦੀ ਨਾ ਸਰਕਾਰ ਹੈ
ਜਦ ਬਹਿ ਕੇ ਮਾਪੇ ਸੋਚਦੇ
ਉੱਡ ਜਾਣਾ ਇੱਥੋਂ ਲੋਚਦੇ
ਬੱਚਿਆਂ ਲਈ ਗੁਫ਼ਾ ਬਣਾ ਕੇ
ਰੱਖ ਲਈਏ ਕਿੱਥੇ ਲੁਕਾ ਕੇ
ਇੱਥੇ ਫਿਰਨ ਭੇੜੀਏ ਨੋਚਦੇ
ਜਦ ਮਾਪੇ ਬਹਿ ਕੇ ਸੋਚਦੇ
ਉੱਡ ਜਾਣਾ ਇੱਥੋਂ ਲੋਚਦੇ
ਨਿੱਤ ਲੁੱਟਾਂ ਖੋਹਾਂ ਕਰ ਰਹੇ
ਕਿਉਂ ਨਹੀਂ ਕਿਸੇ ਤੋਂ ਡਰ ਰਹੇ
ਨਾ ਰੋਕਣ ਵਾਲੇ ਰੋਕਦੇ
ਜਦ ਮਾਪੇ ਬਹਿ ਕੇ ਸੋਚਦੇ
ਉੱਡ ਜਾਣਾ ਇੱਥੋਂ ਲੋਚਦੇ
ਲੇਖਕ : ਕਰਮਜੀਤ ਸਿੰਘ ਗਰੇਵਾਲ