ਸਰੀ, (ਸਿਮਰਨਜੀਤ ਸਿੰਘ): ਕਿਊਬੈਕ ਸਰਕਾਰ ਨੇ 2035 ਤੋਂ ਨਵੇਂ ਗੈਸ ਨਾਲ ਚਲਣ ਵਾਲੀਆਂ ਗੱਡੀਆਂ ਦੀ ਵਿਕਰੀ ‘ਤੇ ਪਾਬੰਦੀ ਲਗਾਉਣ ਲਈ ਨਵੇਂ ਨਿਯਮਾਂ ਨੂੰ ਮੰਜ਼ੂਰੀ ਦੇ ਦਿੱਤੀ ਹੈ। ਇਹ ਨਿਯਮ ਸੋਮਵਾਰ ਨੂੰ ਅਪਨਾਏ ਗਏ, ਜਿਨ੍ਹਾਂ ਦਾ ਲਾਗੂ ਹੋਣਾ ਸੂਬੇ ਦੇ ਯਾਤਰਾ ਨੈੱਟਵਰਕ ਨੂੰ ਬਿਜਲੀਕਰਣ ਦੀ ਯੋਜਨਾ ਦਾ ਹਿੱਸਾ ਹੈ।
ਇਹ ਪਾਬੰਦੀ ਸਾਰੇ “ਹਲਕੇ ਵਜਨ ਵਾਲੀਆਂ ਗੱਡੀਆਂ” ‘ਤੇ ਲਾਗੂ ਹੋਵੇਗੀ, ਜਿਸ ਵਿੱਚ ਕਾਰਾਂ, ਹਲਕੇ ਟਰੱਕ, ਪਿਕਅੱਪ ਟਰੱਕ, ਅਤੇ ਜਿਆਦਾਤਰ ਐਸਯੂਵੀ ਸ਼ਾਮਲ ਹਨ। ਕਿਊਬੈਕ ਸਰਕਾਰ ਨੇ ਗੱਡੀਆਂ ਦੇ ਵਜਨ ਦੀ ਹੱਦ 4,536 ਕਿਲੋਗ੍ਰਾਮ ਤੱਕ ਰੱਖੀ ਹੈ। 1 ਜਨਵਰੀ, 2034 ਤੋਂ 2035 ਮਾਡਲ ਦੇ ਕੋਈ ਵੀ ਨਵੇਂ ਜਾਂ ਵਰਤੇ ਹੋਏ ਗੈਸ ਨਾਲ ਚਲਣ ਵਾਲੇ ਵਾਹਨ ਵੇਚਣ ‘ਤੇ ਪਾਬੰਦੀ ਹੋਵੇਗੀ। ਇਸ ਵਿੱਚ ਹਾਈਬ੍ਰਿਡ ਅਤੇ ਪਲਗ-ਇਨ ਹਾਈਬ੍ਰਿਡ ਵਾਹਨ ਵੀ ਸ਼ਾਮਲ ਹਨ। 31 ਦਸੰਬਰ, 2035 ਤੋਂ 2034 ਜਾਂ ਇਸ ਤੋਂ ਪਹਿਲਾਂ ਦੇ ਮਾਡਲ ਵਾਲੇ ਸਾਰੇ ਨਵੇਂ ਗੈਸ ਨਾਲ ਚਲਣ ਵਾਲੇ ਵਾਹਨਾਂ ਦੀ ਵਿਕਰੀ ਜਾਂ ਕਿਰਾਏ ‘ਤੇ ਦੇਣ ‘ਤੇ ਪੂਰੀ ਤਰ੍ਹਾਂ ਰੋਕ ਲੱਗ ਜਾਏਗੀ। ਜੋ ਵਾਹਨ 2034 ਜਾਂ ਇਸ ਤੋਂ ਪਹਿਲਾਂ ਰਜਿਸਟਰ ਹੋ ਚੁੱਕੇ ਹਨ, ਉਹ ਕਿਊਬੈਕ ਦੇ ਰੋਡਵੇਅਜ਼ ‘ਤੇ ਚੱਲਦੇ ਰਹਿਣਗੇ ਅਤੇ ਉਨ੍ਹਾਂ ਨੂੰ ਫਿਰ ਤੋਂ ਵਿਕਰੀ ਲਈ ਪੇਸ਼ ਕੀਤਾ ਜਾ ਸਕੇਗਾ। ਕਈ ਕਿਸਮ ਦੇ ਵਾਹਨਾਂ ਨੂੰ ਇਸ ਨਿਯਮ ਤੋਂ ਬਾਹਰ ਰੱਖਿਆ ਗਿਆ ਹੈ ਜਿਵੇਂ ਕਿ ਮੋਪੈਡ, ਮੋਟਰਸਾਈਕਲ, ਅਤੇ ਐਮਰਜੈਂਸੀ ਵਾਹਨ। ਛੋਟੇ ਸਮੇਂ ਦੇ ਕਿਰਾਏ ਲਈ ਵਰਤੇ ਜਾਣ ਵਾਲੇ ਵਾਹਨਾਂ ‘ਤੇ ਵੀ ਇਹ ਨਿਯਮ ਲਾਗੂ ਨਹੀਂ ਹੋਵੇਗਾ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਨਵੇਂ ਨਿਯਮ ਕਿਊਬੈਕ ਦੇ ਯਾਤਰਾ ਨੈੱਟਵਰਕ ਦੇ ਬਿਜਲੀਕਰਣ ਵਿੱਚ ਮਦਦ ਕਰਨਗੇ। ਠਹਸਿ ਰੲਪੋਰਟ ਾੳਸ ਾਰਟਿਟੲਨ ਬੇ ਸ਼ਮਿਰੳਨਜਟਿ ਸ਼ਨਿਗਹ ੳਸ ਪੳਰਟ ੋਡ ਟਹੲ ਲ਼ੋਚੳਲ ਝੋੁਰਨੳਲਸਿਮ ੀਨਟਿੳਿਟਵਿੲ.
ਕਿਊਬੈਕ ਵਿਚ 2035 ਤੋਂ ਨਵੇਂ ਗੈਸ ਵਾਲੀਆਂ ਗੱਡੀਆਂ ਦੀ ਵਿਕਰੀ ‘ਤੇ ਲੱਗੀ ਪਾਬੰਦੀ
