ਸਰੀ, (ਸਿਮਰਨਜੀਤ ਸਿੰਘ): ਬ੍ਰਿਟਿਸ਼ ਕੋਲੰਬੀਆ ਦੇ ਖੇਤੀਬਾੜੀ ਮਜ਼ਦੂਰਾਂ ਲਈ 15 ਤਰਾਂ ਦੇ ਖੇਤੀਬਾੜੀ ਪੈਦਾਵਾਰ ਲਈ ਮਜ਼ਦੂਰੀ 3.9 ਪ੍ਰਤੀਸ਼ਤ 2025 ਤੋਂ ਵਧਾ ਦਿੱਤੀ ਹੈ। ਇਹ ਨਵੀਆਂ ਦਰਾਂ ਨਵੇਂ ਨਾਲ ਤੋਂ ਲਾਗੂ ਵੀ ਕਰ ਦਿੱਤੀਆਂ ਗਈਆਂ ਹਨ। ਖੇਤੀਬਾੜੀ ਮਜ਼ਦੂਰਾਂ ਨੂੰ ਤਨਖਾਹ ਜਾਂ ਘੰਟਾਵਾਰੀ ਤਨਖਾਹਾਂ ਦੇ ਨਾਲ ਨਾਲ ਕੁਝ ਹੱਥੀਂ ਚੁਣੀਆਂ ਜਾਣ ਵਾਲੀਆਂ ਪੈਦਾਵਾਰਾਂ ਲਈ ਨਿਰਧਾਰਿਤ ਦਰਾਂ ‘ਤੇ ਅਦਾਇਗੀ ਨਵੀਆਂ ਦਰਾਂ ਦੇ ਆਧਾਰ ‘ਤੇ ਕੀਤੀ ਜਾਵੇਗੀ।
ਹਥੀਂ ਚੁਣੀਆਂ ਜਾਣ ਵਾਲੀਆਂ ਪੈਦਾਵਾਰਾਂ ਦੇ ਸਮਰਥਨ ਹੇਠ 15 ਫਸਲਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚ, ਖੁੰਬਾਂ, ਸੇਬ, ਨਾਸ਼ਪਾਤੀ, ਮੀਠੇ ਆਲੂ, ਬਲੂਬੈਰੀ, ਰਸਭਰੀ, ਸਟਰਾਬੈਰੀ, ਸਾਖਾਂ, ਮਟਰ, ਖੁਮਾਣੀ ਅਤੇ ਦਾਫੋਡਿਲ ਦੇ ਫੁੱਲ ਸ਼ਾਮਲ ਹਨ।
ਨਵੀਆਂ ਦਰਾਂ ਪਿਛਲੇ ਸਾਲ ਦੀ ਮਹਿੰਗਾਈ ਦਰ ਦੇ ਅਧਾਰ ‘ਤੇ ਵਧਾਈਆਂ ਗਈਆਂ ਹਨ। ਐਮਪਲੋਇਮੈਂਟ ਸਟੈਂਡਰਡਜ਼ ਐਕਟ ਦੇ ਅਧੀਨ ਇਹ ਦਰਾਂ ਬਦਲੀਆਂ ਗਈਆਂ ਹਨ, ਜਿਸ ਨਾਲ ਸਾਰੇ ਖੇਤਰਾਂ ਲਈ ਜਨਰਲ ਘਟ ਮਜ਼ਦੂਰੀ ਦਰ ਵੀ ਵਧੇਗੀ।
ਖੇਤੀ ਮਾਲਕਾਂ ਨੂੰ ਸਾਈਟ ‘ਤੇ ਨੋਟਿਸ ਲਗਾਉਣੇ ਜ਼ਰੂਰੀ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ ਹਰ ਪੈਦਾਵਾਰ ਦੀ ਦਰ, ਚੁਣਨ ਲਈ ਕੰਟੇਨਰ ਦਾ ਆਕਾਰ ਅਤੇ ਉਸ ਦੇ ਭਰਨ ਲਈ ਲੋੜੀਂਦੀ ਮਾਤਰਾ ਦਰਸਾਈ ਜਾਵੇਗੀ।
ਪਹਿਲਾਂ ਜਨਵਰੀ 2019 ਵਿੱਚ ਤਨਖਾਹਾਂ ਵਿੱਚ 11.5 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਗਿਆ ਸੀ, ਜਦਕਿ ਜਨਵਰੀ 2024 ਵਿੱਚ ਇਹ 6.9 ਪ੍ਰਤੀਸ਼ਤ ਵਧੀਆਂ ਸਨ। ਇਹ ਵਾਧੇ ਮਹਿੰਗਾਈ ਨੂੰ ਸਮਝਣ ਅਤੇ ਖੇਤੀ ਮਜ਼ਦੂਰਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਦਾ ਹਿੱਸਾ ਹਨ।
ਹਰੇਕ ਪੈਦਾਵਾਰ ਲਈ ਨਵੀਆਂ ਦਰਾਂ ਇਸ ਪ੍ਰਕਾਰ ਹਨ।
ਸੇਬ : $24.05 ਪ੍ਰਤੀ ਬਿੰਨ (27.1 ਡਟ³)
ਖੁਮਾਣੀ : $27.67 ਪ੍ਰਤੀ ਅੱਧਾ ਬਿੰਨ (13.7 ਡਟ³)
ਮੀਠੇ ਆਲੂ : $0.329 ਪ੍ਰਤੀ ਪਾਉਂਡ
ਬਲੂਬੈਰੀ : $0.558 ਪ੍ਰਤੀ ਪਾਉਂਡ
ਮੁਗਲੀ : $0.230 ਪ੍ਰਤੀ ਪਾਉਂਡ
ਰਸਭਰੀ : $0.317 ਪ੍ਰਤੀ ਪਾਉਂਡ
ਅੰਗੂਰ : $25.56 ਪ੍ਰਤੀ ਅੱਧਾ ਬਿੰਨ
ਖੁੰਬਾਂ : $0.332 ਪ੍ਰਤੀ ਪਾਉਂਡ
ਆੜੂ : $25.56 ਪ੍ਰਤੀ ਅੱਧਾ ਬਿੰਨ
ਨਾਸ਼ਪਾਤੀ : $27.08 ਪ੍ਰਤੀ ਬਿੰਨ
ਮਟਰ : $0.411 ਪ੍ਰਤੀ ਪਾਉਂਡ
ਖੁਮਾਣੀ : $27.08 ਪ੍ਰਤੀ ਅੱਧਾ ਬਿੰਨ
ਸਟ੍ਰਾਬੈਰੀ : $0.484 ਪ੍ਰਤੀ ਪਾਉਂਡ
ਦਾਫੋਡਿਲ : $0.193 ਪ੍ਰਤੀ ਗੁੱਛਾ (10 ਤਣੇ)