ਨਵੀਂ ‘ਸੈਲਫ-ਡਿਪੋਰਟੇਸ਼ਨ’ ਐਪ ਦੀ ਲਾਂਚ ਕਰਨ ਦੀ ਕੀਤੀ ਘੋਸ਼ਣਾ
ਵਾਸ਼ਿੰਗਟਨ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਗ਼ੈਰਕਾਨੂੰਨੀ ਤਰੀਕੇ ਨਾਲ ਰਹਿ ਰਹੇ ਪ੍ਰਵਾਸੀਆਂ ਨੂੰ “ਆਪਣੇ ਆਪ ਦੇਸ਼ ਛੱਡਣ” ਦੀ ਨਸੀਹਤ ਦਿੱਤੀ ਹੈ। ਮੰਗਲਵਾਰ ਸਵੇਰੇ ਵ੍ਹਾਈਟ ਹਾਊਸ ਵਲੋਂ ਜਾਰੀ ਕੀਤੀ ਗਈ ਇੱਕ 90 ਸਕਿੰਟ ਦੀ ਵੀਡੀਓ ਵਿੱਚ, ਟਰੰਪ ਨੇ ਕਿਹਾ, “ਜੋ ਲੋਕ ਅਮਰੀਕਾ ਵਿੱਚ ਗੈਰਕਾਨੂੰਨੀ ਢੰਗ ਨਾਲ ਰਹਿ ਰਹੇ ਹਨ, ਉਹ ਆਪਣੀ ਮਰਜ਼ੀ ਨਾਲ ਵਾਪਸ ਜਾ ਸਕਦੇ ਹਨ ਜੋ ਕਿ ਆਸਾਨ ਵਿਕਲਪ ਹੈ। ਨਹੀਂ ਤਾਂ, ਉਨ੍ਹਾਂ ਨੂੰ ਕਾਨੂੰਨੀ ਤੌਰ ‘ਤੇ ਜ਼ਬਰਦਸਤ ਡਿਪੋਰਟ ਕੀਤਾ ਜਾਵੇਗਾ, ਜੋ ਕਿ ਆਸਾਨ ਨਹੀਂ ਹੋਵੇਗਾ।”
ਉਹਨਾਂ ਨੇ ਇੱਕ ਨਵੀਂ ‘ਸੈਲਫ-ਡਿਪੋਰਟੇਸ਼ਨ’ ਐਪ ਦੀ ਘੋਸ਼ਣਾ ਵੀ ਕੀਤੀ, ਜਿਸ ਨੂੰ ‘ਛਭਫ ਹੋਮ’ ਨਾਮ ਦਿੱਤਾ ਗਿਆ ਹੈ।
ਇਹ ਐਪ, ਜੋ ਕਿ ਅਮਰੀਕੀ ਸੀਮਾ ਅਤੇ ਤਰੀਕਤ ਸੰਭਾਲ ਵਿਭਾਗ (ਛਭਫ) ਨੇ ਤਿਆਰ ਕੀਤੀ ਹੈ, ਇਮਿਗ੍ਰੈਂਟਸ ਨੂੰ ਆਪਣੇ ਆਪ ਰਜਿਸਟਰ ਕਰਨ ਅਤੇ ਦੇਸ਼ ਛੱਡਣ ਦੀ ਸੌਖੀ ਪ੍ਰਕਿਰਿਆ ਮੁਹੱਈਆ ਕਰੇਗੀ।
ਇਹ ਛਭਫ ੌਨੲ ਐਪ ਦੀ ਜਗ੍ਹਾ ਲਵੇਗੀ, ਜਿਸ ਨੂੰ ਸਾਬਕਾ ਰਾਸ਼ਟਰਪਤੀ ਜੋ ਬਾਈਡਨ ਦੇ ਸ਼ਾਸਨ ਦੌਰਾਨ ਸ਼ੁਰੂ ਕੀਤਾ ਗਿਆ ਸੀ।
ਛਭਫ ੌਨੲ ਦੌਰਾਨ, ਲਗਭਗ 10 ਲੱਖ ਇਮਿਗ੍ਰੈਂਟਸ ਨੇ ਮੈਕਸੀਕੋ ਵਿੱਚ ਹੋਣ ਦੇ ਬਾਵਜੂਦ, ਕਾਨੂੰਨੀ ਤਰੀਕੇ ਨਾਲ ਅਮਰੀਕਾ ਵਿੱਚ ਦਾਖ਼ਲ ਹੋਣ ਲਈ ਮੁਲਾਕਾਤਾਂ ਨਿਯਤ ਕੀਤੀਆਂ ਸਨ। ਪਰ, ਟਰੰਪ ਨੇ ਆਪਣਾ ਕਾਰਜਭਾਰ ਸੰਭਾਲਦੇ ਹੀ ਛਭਫ ੌਨੲ ਨੂੰ ਬੰਦ ਕਰ ਦਿੱਤਾ ਸੀ।
ਇਹ ਐਪ 200 ਮਿਲੀਅਨ ਡਾਲਰ ਦੀ ਵੱਡੀ ਸਰਕਾਰੀ ਯੋਜਨਾ ਦਾ ਹਿੱਸਾ ਹੈ, ਜਿਸ ਵਿੱਚ ਵਿਦੇਸ਼ੀਆਂ ਨੂੰ ਆਪਣੀ ਮਰਜ਼ੀ ਨਾਲ ਦੇਸ਼ ਛੱਡਣ ਲਈ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ।
ਇਸ ਮੁਹਿੰਮ ਵਿੱਚ ਹੋਮਲੈਂਡ ਸੁਰੱਖਿਆ ਸਕੱਤਰ, ਕਰਿਸਟੀ ਨੋਮ ਵੀ ਇੱਕ ਮਹੱਤਵਪੂਰਨ ਚਿਹਰਾ ਬਣੀ ਹੋਈ ਹੈ ਜਿਨ੍ਹਾਂ ਨੇ ਵੀਡੀਓ ਮੈਸੇਜ ਵਿੱਚ ਕਿਹਾ, “ਟਰੰਪ ਦੀ ਸਰਕਾਰ ਦਾ ਇੱਕ ਸਪੱਸ਼ਟ ਸੁਨੇਹਾ ਹੈ ਜੇਕਰ ਤੁਸੀਂ ਗੈਰਕਾਨੂੰਨੀ ਤਰੀਕੇ ਨਾਲ ਅਮਰੀਕਾ ‘ਚ ਰਹਿ ਰਹੇ ਹੋ, ਤਾਂ ਹੁਣ ਹੀ ਦੇਸ਼ ਛੱਡੋ। ਨਹੀਂ ਤਾਂ, ਅਸੀਂ ਤੁਹਾਨੂੰ ਲੱਭ ਲਵਾਂਗੇ ਅਤੇ ਤੁਹਾਨੂੰ ਕਦੇ ਮੁੜ ਆਉਣ ਨਹੀਂ ਦਿੱਤਾ ਜਾਵੇਗਾ।” ਉਨ੍ਹਾਂ ਨੇ ਅੰਤ ਵਿੱਚ ਕਿਹਾ, “ਚੋਣ ਤੁਹਾਡੀ ਹੈ। ਅਮਰੀਕਾ ਸਵਾਗਤ ਕਰਦਾ ਹੈ, ਜੋ ਕਾਨੂੰਨ ਦੀ ਇਜ਼ਤ ਕਰਦੇ ਹਨ। ਕਿਉਂਕਿ ਇੱਕ ਮਜ਼ਬੂਤ ਰਾਸ਼ਟਰ, ਇੱਕ ਸੁਰੱਖਿਅਤ ਰਾਸ਼ਟਰ ਹੁੰਦਾ ਹੈ।”
ਇਸ ਸਬੰਧੀ ਵਿਗਿਆਪਨ ਫਿਲਡੈਲਫੀਆ, ਬੋਸਟਨ ਅਤੇ ਡੈਲਸ ਵਰਗੇ ਵੱਡੇ ਅਮਰੀਕੀ ਸ਼ਹਿਰਾਂ ਵਿੱਚ ਚੱਲ ਰਹੇ ਹਨ। ੲਸ ਤੋਂ ਇਲਾਵਾ, ਕੈਲੀਫੋਰਨੀਆ, ਨਿਊਯਾਰਕ, ਫਲੋਰੀਡਾ ਅਤੇ ਨਿਊ ਜਰਸੀ ਵਰਗੇ ਰਾਜਾਂ ਵਿੱਚ ਵੀ ਇਹ ਐਡਸ ਪ੍ਰਸਾਰਿਤ ਹੋ ਰਹੀਆਂ ਹਨ।
ਰਿਪੋਰਟ ਮੁਤਾਬਕ, ਇਹ ਨਵੀਂ ਨੀਤੀ ਟਰੰਪ ਦੇ 2024 ਚੋਣ ਮੁਹਿੰਮ ਦਾ ਇੱਕ ਮਹੱਤਵਪੂਰਨ ਹਿੱਸਾ ਸੀ।
ਇਸ ਨੀਤੀ ਨੂੰ ਲੈ ਕੇ, ਇਮੀਗ੍ਰੇਸ਼ਨ ਅਧਿਕਾਰੀਆਂ, ਹੱਕਾਂ ਦੀ ਰੱਖਿਆ ਕਰਨ ਵਾਲੀਆਂ ਸੰਸਥਾਵਾਂ ਅਤੇ ਲੋਕਾਂ ਵੱਲੋਂ ਵੱਡੇ ਪੱਧਰ ‘ਤੇ ਵਿਰੋਧ ਹੋ ਰਿਹਾ ਹੈ।
ਕਈ ਨੇ ਦਾਅਵਾ ਕੀਤਾ ਕਿ ਛਭਫ ੌਨੲ ਨੂੰ ਅਚਾਨਕ ਬੰਦ ਕਰਨਾ ਅਤੇ ਨਵੀਂ ਐਪ ਰਾਹੀਂ ਸੈਲਫ-ਡਿਪੋਰਟੇਸ਼ਨ ਨੂੰ ਉਤਸ਼ਾਹਿਤ ਕਰਨਾ, ਵਿਦੇਸ਼ੀਆਂ ਦੀ ਸਮੱਸਿਆਵਾਂ ਨੂੰ ਹਾਲ ਕਰਨ ਦੀ ਬਜਾਏ, ਹੋਰ ਵਧਾ ਸਕਦਾ ਹੈ।
ਇੱਕ ਇਮੀਗ੍ਰੇਸ਼ਨ ਮਾਹਿਰ ਨੇ ਕਿਹਾ ਕਿ “ਇਹ ਨੀਤੀ ਕਾਨੂੰਨੀ ਦਾਖ਼ਲਿਆਂ ਨੂੰ ਘੱਟ ਕਰ ਸਕਦੀ ਹੈ ਅਤੇ ਵਿਦੇਸ਼ੀ ਕੰਮਿਆਂ ਤੇ ਪ੍ਰਭਾਵ ਪਾ ਸਕਦੀ ਹੈ,”
ਜ਼ਿਕਰਯੋਗ ਹੈ ਕਿ ਟਰੰਪ ਸਰਕਾਰ ਨੇ 2025 ਤੱਕ 10 ਲੱਖ ਵਿਦੇਸ਼ੀਆਂ ਨੂੰ ਬਾਹਰ ਕੱਢਣ ਦਾ ਟੀਚਾ ਰੱਖਿਆ ਹੈ। ਇਸ ਕਰਕੇ, ਇਮੀਗ੍ਰੇਸ਼ਨ ਨੀਤੀਆਂ ਵਿੱਚ ਹੋ ਰਹੇ ਤਬਦੀਲੀਆਂ ‘ਤੇ ਅਗਲੇ ਕੁੱਝ ਮਹੀਨਿਆਂ ਵਿੱਚ ਵੱਧ ਧਿਆਨ ਦਿੱਤਾ ਜਾ ਰਿਹਾ ਹੈ।
ਟਰੰਪ ਨੇ ਗੈਰ-ਕਾਨੂੰਨੀ ਪ੍ਰਵਾਸੀਆਂ ‘ਆਪਣੇ ਆਪ ਅਮਰੀਕਾ ਛੱਡਣ’ ਦੀ ਹਦਾਇਤ ਦਿੱਤੀ
