ਸਰੀ ਨੂੰ ਸਮੁੰਦਰੀ ਸੈਲਾਬ ਤੋਂ ਬਚਾਉਣ ਲਈ 20 ਮਿਲੀਅਨ ਡਾਲਰ ਦਾ ਕਰਨਾ ਪਵੇਗਾ ਖਰਚਾ

ਸਰੀ, (ਦਿਵਰੂਪ ਕੌਰ): ਸਰੀ ਸ਼ਹਿਰ ਨੂੰ ਕੋਸਟਲ ਫਲੱਡਿੰਗ ਅਤੇ ਵੱਧਦੇ ਸਮੁੰਦਰੀ ਪੱਧਰ ਨਾਲ ਨਜਿੱਠਣ ਲਈ ਘੱਟੋ-ਘੱਟ 2030 ਤੱਕ ਸਾਲਾਨਾ 20 ਮਿਲੀਅਨ ਡਾਲਰ ਖ਼ਰਚ ਕਰਨੇ ਪੈਣਗੇ, ਇਹ ਜਾਣਕਾਰੀ ਵੈਸਟ ਕੋਸਟ ਇੰਵਾਇਰਨਮੈਂਟਲ ਲਾઠ(WCEL) ਦੀ ਰਿਪੋਰਟ ਵਿੱਚ ਦਿੱਤੀ ਗਈ ਹੈ।ઠWCEL ਦੇ ਸੀਨੀਅਰ ਕਮਿਊਨੀਕੇਸ਼ਨ ਸਪੈਸ਼ਲਿਸਟ ਬੇਨ ਡੌਡ ਨੇ ਕਿਹਾ ਕਿ ਇਹ ਖ਼ਰਚਾ ਸਿਰਫ਼ ਸਮੁੰਦਰੀ ਸੈਲਾਬ ਲਈ ਹੈ ਅਤੇ ਸ਼ਹਿਰ ਵੱਲੋਂ ਹੋਰ ਕਲਾਈਮੇਟ ਖਤਰੇ ਜਿਵੇਂ ਕਿ ਭਾਰੀ ਵਰਖਾ, ਗਰਮੀ ਦੀਆਂ ਲਹਿਰਾਂ ਅਤੇ ਜੰਗਲਾਂ ਵਿੱਚ ਅੱਗ ਲਈ ਕੋਈ ਅੰਕੜੇ ਜਾਰੀ ਨਹੀਂ ਕੀਤੇ ਗਏ।
ਰਿਪੋਰਟ ਦੇ ਲੇਖਕ ਵਕੀਲ ਐਂਡਰੂ ਗੇਜ ਦੇ ਮੁਤਾਬਕ,ઠWCEL ਨੇ ਪਿਛਲੇ ਦਸੰਬਰ ਸ਼ਹਿਰ ਦੇ ਕੌਂਸਲ ਦੇ ਸਾਹਮਣੇ ਡੈਲੇਗੇਸ਼ਨ ਵਜੋਂ ਪੇਸ਼ ਹੋਣ ਦੀ ਕੋਸਸ਼ਿ ਕੀਤੀ, ਪਰ ਕੌਂਸਲ ਨੇ ਰਿਪੋਰਟ ਸਟਾਫ਼ ਨੂੰ ਲਿਖਤੀ ਰੂਪ ਵਿੱਚ ਪ੍ਰਸਤੁਤ ਕਰਨ ਦੀ ਮੰਗ ਕੀਤੀ। ਗੇਜ ਨੇ ਕਿਹਾ ਕਿ ਮਾਰਚ ਵਿੱਚ ਰਫਟ ਰਿਪੋਰਟ ਸਬਮਿਟ ਕੀਤੀ ਗਈ ਪਰ ਸ਼ਹਿਰ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਮਿਲੀ।
ਗੇਜ ਨੇ ਦੱਸਿਆ ਕਿ ਸ਼ੁਰੂ ਵਿੱਚ ਸਟਾਫ਼ ਨੇ ਕਿਹਾ ਕਿ ਕ੍ਰੈਸੈਂਟ ਬੀਚ ਨੂੰ ਸਮੁੰਦਰੀ ਪੱਧਰ ਵਧਣ ਤੋਂ ਬਚਾਉਣ ਦੀ ਸਭ ਤੋਂ ਸਸਤੀ ਵਿਧੀ ਸਥਾਨਾਂ ਨੂੰ ਛੱਡ ਦੇਣਾ ਹੈ, ਪਰ ਜਾਇਦਾਦ ਮਾਲਕਾਂ ਦੀ ਵੱਡੀ ਰਾਏਵਿਰੋਧ ਕਾਰਨ ਇਹ ਵਿਕਲਪ ਹਟਾ ਦਿੱਤਾ ਗਿਆ। ਸਟਾਫ਼ ਨੇ ਕਿਹਾ ਕਿ 2100 ਤੱਕ ਬੀਚ ਦੀ ਸੁਰੱਖਿਆ ਜਾਰੀ ਰਹੇਗੀ, ਪਰ ਉਸ ਤੋਂ ਬਾਅਦ ਖਰਚਾ ਬਹੁਤ ਵੱਧ ਜਾਣ ਦੀ ਸੰਭਾਵਨਾ ਹੈ। ਸਰੀ ਕੌਂਸਲਰ ਅਤੇ ਮੇਅਰਲ ਉਮੀਦਵਾਰ ਲਿੰਡਾ ਐਨਿਸ ਨੇ ਦੱਸਿਆ ਕਿ ਉਹ $20 ਮਿਲੀਅਨ ਸਾਲਾਨਾ ਦੇ ਅੰਕੜੇ ਬਾਰੇ ਜਾਣੂ ਨਹੀਂ ਸਨ। ਜਨਰਲ ਮੈਨੇਜਰ ਆਫ਼ ਇੰਜੀਨੀਅਰਿੰਗ ਸਕੌਟ ਨਿਊਮੈਨ ਨੇ ਵੀ ਰਿਪੋਰਟ ਨਹੀਂ ਦੇਖੀ। WCEL ਸਰੀ ਨੂੰ ਵੱਡੀਆਂ ਤੇਲ ਕੰਪਨੀਆਂ ਖਲਿਾਫ਼ ਕਲਾਸ-ਐਕਸ਼ਨ ਲਾ ਕਰਨ ਦੀ ਸਿਫਾਰਸ਼ ਕਰਦਾ ਹੈ ਤਾਂ ਜੋ ਸ਼ਹਿਰ ਖਰਚਿਆਂ ਵਿੱਚ ਭਾਗੀਦਾਰੀ ਪ੍ਰਾਪਤ ਕਰ ਸਕੇ। ਗੇਜ ਦੀ ਰਿਪੋਰਟ ਅਨੁਸਾਰ ਸਿਰਫ਼ ਇਸ ਦਹਾਕੇ ਲਈ ਹੀ ਸਾਲਾਨਾ 20 ਮਿਲੀਅਨ ਡਾਲਰ ਲੱਗਣਗੇ ਅਤੇ ਆਉਣ ਵਾਲੇ ਦਹਾਕਿਆਂ ਵਿੱਚ ਖਰਚੇ 1.5 ਬਿਲੀਅਨ ਤੋਂ ਵੱਧ ਹੋ ਸਕਦੇ ਹਨ। ਮੇਅਰ ਬ੍ਰੇਂਡਾ ਲੌਕ ਨੇ ਕਿਹਾ ਕਿ ਕਲਾਸ-ਐਕਸ਼ਨ ਲਾ ਅਤੇ ਸਰੀ ਦੇ ਕੋਸਟਲ ਖ਼ਰਚੇ ਵੱਖਰੇ ਮਾਮਲੇ ਹਨ। ਉਨ੍ਹਾਂ ਨੇ ਜ਼ੋਰ ਦਿੱਤਾ ਕਿ ਸਰੀ ਦੇ ਡਾਇਕਾਂ ਅਤੇ ਬ੍ਰਿਜ਼ ਅੱਪਗਰੇਡ ਕਰਨ ਦੇ ਪ੍ਰਯਾਸ ਕੀਤੇ ਜਾ ਰਹੇ ਹਨ, ਪਰ ਇਹ ਇੱਕ ਖੇਤਰੀ ਅਤੇ ਪ੍ਰਾਂਤੀਕ ਜ਼ਿੰਮੇਵਾਰੀ ਹੈ।
ਸਰੀ ਕੌਂਸਲਰ ਪਰਦੀਪ ਕੁਨਰ ਨੇ ਕਿਹਾ ਕਿ ਫੈਡਰਲ ਅਤੇ ਪ੍ਰਾਂਤੀਕ ਸਰਕਾਰ ਤੋਂ $30 ਮਿਲੀਅਨ ਫੰਡ ਦੀ ਮੰਗ ਕੀਤੀ ਗਈ ਹੈ ਅਤੇ ਡੈਲਟਾ ਨਾਲ ਸਹਿਯੋਗ ਕੀਤੇ ਬਿਨਾਂ ਸਰੀ ਦੀਆਂ ਡਾਇਕਾਂ ਸਮਰੱਥ ਨਹੀਂ ਹੋ ਸਕਦੀਆਂ।ઠThis report was written by Divroop Kaur as part of the Local Journalism Initiative.