ਸਰੀ, (ਸਿਮਰਨਜੀਤ ਸਿੰਘ): ਬੀਤੇ ਦਿਨੀਂ ਵੈਨਕੂਵਰ ਸ਼ਹਿਰ ਦੇ ਸੰਘਣੇ ਇਲਾਕੇ ਵਿੱਚ ਇੱਕ ਬਹੁ-ਮੰਜ਼ਿਲਾਂ ਇਮਾਰਤ ਵਿੱਚ ਅੱਗ ਲੱਗਣ ਕਾਰਨ ਕਈ ਪਰਿਵਾਰਾਂ ਨੂੰ ਆਪਣੇ ਘਰ ਛੱਡਣੇ ਪਏ ਹਨ। ਅੱਗ ਲੱਗਣ ਕਾਰਨ ਤਿੰਨ ਫਲੈਟ ਬੁਰੀ ਤਰ੍ਹਾਂ ਤਬਾਹ ਹੋ, ਜਦਕਿ ਛੇ ਹੋਰ ਫਲੈਟਾਂ ਨੂੰ ਨੁਕਸਾਨ ਪਹੁੰਚਿਆ ਹੈ।
ਵੈਨਕੂਵਰ ਫਾਇਰ ਐਂਡ ਰੈਸਕਿਊ ਸਰਵਿਸਜ਼ ਨੂੰ ਅਲਬਰਨੀ ਸਟਰੀਟ ਅਤੇ ਨਿਕੋਲਾ ਸਟਰੀਟ ਵਿਖੇ ਸ਼ਾਮ 4 ਵਜੇ ਅੱਗ ਲੱਗਣ ਦੀ ਸੂਚਨਾ ਮਿਲੀ। ਦੱਸਿਆ ਜਾ ਰਿਹਾ ਹੈ ਕਿ ਅੱਗ 20ਵੀਂ ਅਤੇ 21ਵੀਂ ਮੰਜਿਲ ਤੇ ਲੱਗੀ। ਕਿਸੇ ਵਿਅਕਤੀ ਦੇ ਜ਼ਖਮੀ ਹੋਣ ਦੀ ਕੋਈ ਰਿਪੋਰਟ ਨਹੀਂ ਹੈ, ਪਰ ਫਾਇਰਫਾਇਟਰਾਂ ਨੇ ਸੁਰੱਖਿਆ ਲਈ ਸਾਰੀ ਇਮਾਰਤ ਨੂੰ ਖਾਲੀ ਕਰਕੇ ਉਸਦੀ ਜਾਂਚ ਕੀਤੀ।
ਇਸ ਘਟਨਾ ਦੇ ਗਵਾਹ, ਜਿਮੀ ਕਰੀ ਨੇ ਦੱਸਿਆ, “ਸਭ ਤੋਂ ਪਹਿਲਾਂ ਮੈਂ ਧੂੰਆ ਦੇਖਿਆ, ਫਿਰ ਕੋਈ ਧਮਾਕੇ ਦੀ ਆਵਾਜ਼ ਸੁਣੀ। ਸ਼ਾਇਦ ਖਿੜਕੀਆਂ ਟੁੱਟ ਰਹੀਆਂ ਸਨ, ਫਿਰ ਅੱਗ ਫੈਲਣ ਲੱਗੀ।” ਇਮਾਰਤ ਦੇ ਕਈ ਮੰਜਿਲਾਂ ਤੋਂ ਕਾਲਾ ਧੂੰਆਂ ਅਤੇ ਵੱਡੀਆਂ ਅੱਗ ਦੀਆਂ ਲਪਟਾਂ ਨਿਕਲ ਰਹੀਆਂ ਸਨ, ਜਿਵੇਂ ਕਿ ਘਟਨਾ ਸਥਾਨ ਤੋਂ ਮਿਲੀਆਂ ਵੀਡੀਓਆਂ ਵਿੱਚ ਵੇਖਿਆ ਜਾ ਸਕਦਾ ਹੈ।
ੜਢ੍ਰਸ਼ ਨੇ ਇਸਨੂੰ “ਖਤਰਨਾਕ ਦ੍ਰਿਸ਼” ਵਜੋਂ ਦਰਸਾਇਆ ਕਿਉਂਕਿ ਇਮਾਰਤ ਤੋਂ ਡਿੱਗਦੇ ਕੱਚ ਅਤੇ ਹੋਰ ਮਲਬਾ ਹੇਠਾਂ ਖੜ੍ਹੀਆਂ ਗੱਡੀਆਂ ਤੇ ਡਿੱਗ ਰਿਹਾ ਸੀ ਅਤੇ ਕਈ ਗੱਡੀਆਂ ਵੀ ਨੁਕਸਾਨੀਆਂ ਗਈਆਂ। ਫਿਲਹਾਲ ਅਜੇ ਤੱਕ ਅੱਗ ਲੱਗਣ ਦਾ ਕਾਰਨ ਅਜਿਹਾ ਪਤਾ ਨਹੀਂ ਲੱਗ ਸਕਿਆ। ਫਾਇਰਫਾਇਟਰਾਂ ਦੀ ਸਖਤ ਮਿਹਨਤ ਨੇ ਕਈ ਲੋਕਾਂ ਦੀ ਜ਼ਿੰਦਗੀਆਂ ਬਚਾਈਆਂ ਹਨ, ਪਰ ਇਸ ਅਣਹੋਣੀ ਕਾਰਨ ਕਈ ਪਰਿਵਾਰ ਆਪਣੇ ਘਰਾਂ ਤੋਂ ਬੇਘਰ ਹੋ ਗਏ ਹਨ। ਠਹਸਿ ਰੲਪੋਰਟ ਾੳਸ ਾਰਟਿਟੲਨ ਬੇ ਸ਼ਮਿਰੳਨਜਟਿ ਸ਼ਨਿਗਹ ੳਸ ਪੳਰਟ ੋਡ ਟਹੲ ਲ਼ੋਚੳਲ ਝੋੁਰਨੳਲਸਿਮ ੀਨਟਿਿੳਟਵਿੲ.