ਕੈਨੇਡਾ ਦੇ ਬੈਂਕ ਦੇ ਅਧਿਕਾਰੀ ਨੇ ਮੋਰਟਗੇਜ ਨੀਤੀਆਂ ਵਿੱਚ ਬਦਲਾਵਾਂ ਦੇ ਖਤਰੇ ਬਾਰੇ ਦਿੱਤੀ ਚੇਤਾਵਨੀ

ਨਵੀਂ ਨੀਤੀ ਨਾਲ ਹਰ ਮਹੀਨੇ $200 ਘਟਣਗੇ ਪਰ 5 ਸਾਲ ਦੇ ਵਧੇ
ਸਮੇਂ ਦੌਰਾਨ $50,000 ਦੇਣੇ ਪੈਣਗੇ ਵਾਧੂ : ਰੋਜਰਸ
ਸਰੀ, (ਸਿਮਰਨਜੀਤ ਸਿੰਘ): ਕੈਨੇਡਾ ਦੇ ਬੈਂਕ ਦੀ ਸੀਨੀਅਰ ਡਿਪਟੀ ਗਵਰਨਰ ਕੈਰੋਲਿਨ ਰੋਜਰਸ ਨੇ ਮੋਰਟਗੇਜ ਨੀਤੀਆਂ ਵਿੱਚ ਜ਼ਿਆਦਾ ਬਦਲਾਵਾਂ ਕਰਨ ਨੂੰ ਲੈ ਕੇ ਚੇਤਾਵਨੀ ਦਿੱਤੀ ਹੈ। ਉਹਨੇ ਕਿਹਾ ਕਿ ਘਰ ਖਰੀਦਣ ਦੀ ਸਮਰੱਥਾ ਨੂੰ ਵਧਾਉਣ ਦੇ ਲਈ ਮੋਰਟਗੇਜ ਨੀਤੀਆਂ ਵਿੱਚ ਜ਼ਿਆਦਾ ਹੇਰਫੇਰ ਕਰਨ ਦਾ ਫੈਸਲਾ ਘਰ ਖਰੀਦਣ ਵਾਲਿਆਂ ਨੂੰ ਸਹਾਰਾ ਨਹੀਂ ਦੇਵੇਗਾ, ਬਲਕਿ ਇਸ ਨਾਲ ਲੰਬੇ ਸਮੇਂ ਵਿੱਚ ਆਰਥਿਕ ਸਿਹਤ ‘ਤੇ ਨਕਾਰਾਤਮਕ ਪ੍ਰਭਾਵ ਪੈ ਸਕਦਾ ਹੈ।
ਰੋਜਰਸ ਨੇ ਬੁੱਧਵਾਰ ਨੂੰ ਟੋਰਾਂਟੋ ਵਿੱਚ ਆਯੋਜਿਤ ਇਕ ਆਰਥਿਕ ਕਲੱਬ ਇਵੈਂਟ ਦੌਰਾਨ ਆਪਣੀ ਬੁਲਾਈ ਗਈ ਸਪੀਚ ਦੌਰਾਨ ਇਹ ਟਿੱਪਣੀ ਕੀਤੀ। ਉਨ੍ਹਾਂ ਕਿਹਾ, “ਸਾਨੂੰ ਇਸ ਗਲਤੀ ਦੀ ਕੋਸ਼ਿਸ਼ ਤੋਂ ਬਚਣਾ ਚਾਹੀਦਾ ਹੈ ਕਿ ਮੋਰਟਗੇਜ ਮਾਰਕੀਟ ‘ਚ ਬਦਲਾਅ ਕਰਕੇ ਘਰ ਖਰੀਦਣ ਦੇ ਸੁਵਿਧਾ ਨੂੰ ਸਸਤਾ ਕੀਤਾ ਜਾਵੇ।”
ਕੈਨੇਡਾ ਦੇ ਕੇਂਦਰੀ ਬੈਂਕ ਦੀ ਅਧਿਕਾਰੀ ਰੋਜਰਸ ਨੇ ਕਿਹਾ ਕਿ ਘਰ ਦੀ ਕੀਮਤ ਵਿੱਚ ਵਾਧਾ ਅਤੇ ਘਰ ਖਰੀਦਣ ਦੀ ਸਮਰੱਥਾ ਵਿੱਚ ਆ ਰਹੀ ਮੁਸ਼ਕਲ ਨੂੰ ਦੁਰੁਸਤ ਕਰਨ ਲਈ, ਮੌਜੂਦਾ ਸਮੇਂ ਵਿੱਚ ਸਪਲਾਈ ਅਤੇ ਡੀਮਾਂਡ ਵਿਚ ਤਾਲਮੇਲ ਲੈ ਕੇ ਇੱਕ ਪ੍ਰਬੰਧ ਕਾਇਮ ਕਰਨ ਦੀ ਲੋੜ ਹੈ, ਜੋ ਕਿ ਇੱਕ ਸਮੇਂ ਦੀ ਗੱਲ ਹੈ। ਉਨ੍ਹਾਂ ਕਿਹਾ ਕਿ ਮੋਰਟਗੇਜ ਮਾਰਕੀਟ ਵਿੱਚ ਕਈ ਵਾਰੀ ਛੋਟੀਆਂ ਗਲਤੀਆਂ ਕਰਕੇ ਇਸ ਪ੍ਰੈਸ਼ਰ ਨੂੰ ਲੰਬੇ ਸਮੇਂ ਤੱਕ ਦੂਰ ਨਹੀਂ ਕੀਤਾ ਜਾ ਸਕਦਾ।
ਕੈਨੇਡੀਅਨ ਸਰਕਾਰ ਨੇ ਹਾਲ ਹੀ ਵਿੱਚ ਪਹਿਲੀ ਵਾਰੀ ਘਰ ਖਰੀਦਣ ਵਾਲੇ ਅਤੇ ਨਵੇਂ ਘਰ ਬਣਾਉਣ ਵਾਲਿਆਂ ਲਈ ਮੈਕਸਿਮਮ ਐਮੋਰਟਾਈਜੇਸ਼ਨ ਪੀਰੀਅਡ 25 ਸਾਲ ਤੋਂ ਵਧਾ ਕੇ 30 ਸਾਲ ਕਰਨ ਦੀ ਗੋਸ਼ਣਾ ਕੀਤੀ ਸੀ। ਇਸ ਕਦਮ ਦਾ ਮਕਸਦ ਇਹ ਹੈ ਕਿ ਜ਼ਿਆਦਾ ਲੋਕ ਘਰ ਖਰੀਦਣ ਦੇ ਯੋਗ ਹੋ ਸਕਣ। ਰੋਜਰਸ ਨੇ ਕਿਹਾ ਕਿ ਜੇਕਰ 30 ਸਾਲ ਦੀ ਮੋਰਟਗੇਜ ਖਰੀਦੀ ਜਾਂਦੀ ਹੈ, ਤਾਂ ਇਸ ਨਾਲ ਮਹੀਨੇ ਦੇ ਭੁਗਤਾਨ ਵਿੱਚ ਲਗਭਗ $200 ਦੀ ਗਿਰਾਵਟ ਆਵੇਗੀ, ਪਰ ਇਸ ਨਾਲ ਉਧਾਰੀ ਦੇ ਸਮੇਂ ਦੌਰਾਨ ਕੁੱਲ ਵਿਆਜ ਖਰਚ $50,000 ਵਧ ਜਾਵੇਗਾ। ਉਨ੍ਹਾਂ ਕਿਹਾ ਜੇ ਸਰਕਾਰ ਵੱਲੋਂ ਦਿੱਤੀ ਗਈ ਮੋਰਟਗੇਜ ਵਿਧੀ ਸਹਾਇਕ ਹੋ ਸਕਦੀ ਹੈ, ਪਰ ਲੰਬੇ ਸਮੇਂ ਵਿੱਚ ਇਸ ਦੀਆਂ ਨੁਕਸਾਨਦਾਇਕ ਪ੍ਰਭਾਵਾਂ ਨੂੰ ਧਿਆਨ ਵਿੱਚ ਰੱਖਣਾ ਜਰੂਰੀ ਹੈ।