ਕੈਨੇਡੀਅਨ ਘਰੇਲੂ ਹੀਟਿੰਗ ਗੈਸ ‘ਤੇ ਚਾਹੁੰਦੇ ਹਨ ਕਾਰਬਨ ਟੈਕਸ ਦੀ ਛੋਟ

ਸਰੀ, (ਏਕਜੋਤ ਸਿੰਘ): ਇੱਕ ਤਾਜ਼ਾ ਕਰਵਾਏ ਗਏ ਸਵੇਖਣ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਕੈਨੇਡੀਅਨ ਲੋਕ ਵਿਆਪਕ ਤੌਰ ‘ਤੇ ਫੈਡਰਲ ਸਰਕਾਰ ਦੇ ਕਾਰਬਨ ‘ਤੇ ਘਰੇਲੂ ਹੀਟਿੰਗ ਗੈਂਸ ਦੀ ਕੀਮਤ ਵਿੱਚ ਛੋਟ ਚਾਹੁੰਦੇ ਹਨ ਤਾਂ ਕਿ ਉਨ੍ਹਾਂ ਆਰਿਥਕ ਤੌਰ ਹੋ ਗਈ ਮੰਦਹਾਲੀ ਤੋਂ ਉਭਰ ਲਈ ਮਦਦ ਮਿਲ ਸਕੇ।
ਜ਼ਿਕਰਯੋਗ ਹੈ ਕਿ ਗਵਰਨਿੰਗ ਲਿਬਰਲਾਂ ਨੇ ਪਿਛਲੇ ਮਹੀਨੇ ਲੋਕਾਂ ਨੂੰ ਇਲੈਕਟ੍ਰਿਕ ਹੀਟ ਪੰਪਾਂ ‘ਤੇ ਸਵਿਚ ਕਰਨ ਵਿੱਚ ਮਦਦ ਕਰਨ ਲਈ ਫੰਡਿੰਗ ਦੇ ਨਾਲ-ਨਾਲ ਹੀਟਿੰਗ ਗੈਸ ‘ਤੇ ਨਿਰਭਰ ਜਾਇਦਾਦ ਮਾਲਕਾਂ ਲਈ ਕਾਰਬਨ ਟੈਕਸ ਤੋਂ ਤਿੰਨ ਸਾਲ ਦੀ ਛੋਟ ਦਾ ਐਲਾਨ ਕੀਤਾ ਸੀ।
ਦੂਜੇ ਪਾਸੇ ਕੰਜ਼ਰਵੇਟਿਵ ਆਗੂ ਪੀਅਰ ਪੋਲੀਵੀਅਰ ਦਾ ਕਹਿਣਾ ਹੈ ਕਿ ਜੇਕਰ ਅਗਲੀਆਂ ਚੋਣਾਂ ਵਿੱਚ ਲੋਕ ਉਨ੍ਹਾਂ ਨੂੰ ਪ੍ਰਧਾਨ ਮੰਤਰੀ ਚੁਣਦੇ ਤਾਂ ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਦੇ ਤੌਰ ‘ਤੇ ਕਾਰਬਨ ਦੀ ਕੀਮਤ ਨੂੰ ਪੂਰੀ ਤਰ੍ਹਾਂ ਖਤਮ ਕਰਨ ਦੀ ਸਹੁੰ ਖਾਧੀ ਹੈ। ਉਹ ਕੈਨੇਡਾ ਨੂੰ ਕਾਰਬਨ ਟੈਕਸ ਮੁਕਤ ਕਰਨਗੇ ਜਿਸ ਦੇ ਲਈ ਉਨ੍ਹਾਂ ਨੇ ਆਪਣੀ ਮਹਿੰਮ ਵਿੱਚ “ਟੈਕਸ ਨੂੰ ਖਤਮ ਕਰੋ” ਦੇ ਨਾਅਰੇ ਨਾਲ ਦੇਸ਼ ਭਰ ਦੇ ਸਮਾਗਮਾਂ ਵਿੱਚ ਸਮਰਥਕਾਂ ਨਾਲ ਰੈਲੀਆਂ ਵੀ ਕਰ ਰਹੇ ਹਨ।
ਔਨਲਾਈਨ ਲੇਜਰ ਸਰਵੇਖਣ ਦੇ ਅੱਧੇ ਤੋਂ ਵੱਧ ਉੱਤਰਦਾਤਾਵਾਂ ਨੇ ਕਿਹਾ ਕਿ ਉਹ ਕਾਰਵ-ਆਊਟ ਬਾਰੇ ਜਾਣਦੇ ਹਨ, ਜਦੋਂ ਕਿ 48 ਪ੍ਰਤੀਸ਼ਤ ਨੇ ਕਿਹਾ ਕਿ ਉਹ ਇਸ ਬਾਰੇ ਨਹੀਂ ਜਾਣਦੇ ਸਨ।
ਇਸ ਦੇ ਬਾਵਜੂਦ 63 ਫੀਸਦੀ ਨੇ ਕਿਹਾ ਕਿ ਉਹ ਫੈਸਲੇ ਦਾ ਸਮਰਥਨ ਕਰਦੇ ਹਨ ਅਤੇ ਸਿਰਫ 37 ਫੀਸਦੀ ਨੇ ਕਿਹਾ ਕਿ ਉਹ ਇਸ ਦਾ ਵਿਰੋਧ ਕਰਦੇ ਹਨ। 44 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ਵਿੱਚ ਸਹਾਇਤਾ ਸਭ ਤੋਂ ਵੱਧ ਸੀ। ਪੋਲ ਇਹ ਵੀ ਸੁਝਾਅ ਦਿੰਦਾ ਹੈ ਕਿ ਜ਼ਿਆਦਾਤਰ ਲੋਕ ਘਰੇਲੂ ਹੀਟਿੰਗ ਗੈਸ ਦੇ ਸਾਰੇ ਰੂਪਾਂ ਵਿੱਚ ਛੋਟ ਚਾਹੁੰਦੇ ਹਨ।
ਨੈਚੁਰਲ ਰਿਸੋਰਸਜ਼ ਕੈਨੇਡਾ ਦੇ ਅਨੁਸਾਰ, 1.2 ਮਿਲੀਅਨ ਤੋਂ ਵੱਧ ਕੈਨੇਡੀਅਨ ਘਰ ਘਰੇਲੂ ਹੀਟਿੰਗ ਗੈਸ ਦੀ ਵਰਤੋਂ ਕਰਦੇ ਹਨ, ਅਤੇ ਉਹਨਾਂ ਵਿੱਚੋਂ ਲਗਭਗ ਇੱਕ ਚੌਥਾਈ ਐਟਲਾਂਟਿਕ ਕੈਨੇਡਾ ਵਿੱਚ ਹਨ। ਅਟਲਾਂਟਿਕ ਕੈਨੇਡੀਅਨ ਘਰਾਂ ਦਾ ਲਗਭਗ ਇੱਕ ਤਿਹਾਈ ਹਿੱਸਾ ਗਰਮ ਕਰਨ ਵਾਲੀ ਹੀਟਿੰਗ ਗੈਸ ‘ਤੇ ਨਿਰਭਰ ਹਨ।
ਲਿਬਰਲਾਂ ‘ਤੇ ਉਨ੍ਹਾਂ ਦੇ ਆਲੋਚਕਾਂ ਵੱਲੋਂ ਐਟਲਾਂਟਿਕ ਕੈਨੇਡਾ ਵਿਚ ਵੋਟਾਂ ਬਚਾਉਣ ਦੀ ਕੋਸ਼ਿਸ਼ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।
ਸਰਵੇਖਣ ਵਿੱਚ ਹਿੱਸਾ ਲੈਣ ਵਾਲੇ ਲਗਭਗ 78 ਪ੍ਰਤੀਸ਼ਤ ਅਟਲਾਂਟਿਕ ਕੈਨੇਡੀਅਨਾਂ ਨੇ ਕਿਹਾ ਕਿ ਉਹ ਇਸ ਕਦਮ ਤੋਂ ਖੁਸ਼ ਹਨ। ਕਿਊਬਿਕ ਵਿੱਚ ਵਿਰੋਧ ਸਭ ਤੋਂ ਵੱਧ ਸੀ, ਜਿੱਥੇ 43 ਪ੍ਰਤੀਸ਼ਤ ਉੱਤਰਦਾਤਾਵਾਂ ਨੇ ਕਿਹਾ ਕਿ ਉਹ ਅਸਹਿਮਤ ਹਨ।
ਅਲਬਰਟਾਨਜ਼ ਸਭ ਤੋਂ ਵੱਧ 78 ਪ੍ਰਤੀਸ਼ਤ ਸੰਭਾਵਤ ਤੌਰ ‘ਤੇ ਸਾਰੇ ਘਰੇਲੂ ਹੀਟਿੰਗ ਗੈਸ ਦੇ ਵਿਸਤਾਰ ਦਾ ਸਮਰਥਨ ਕਰਦੇ।