ਗ਼ਜ਼ਲ

ਨਾ ਕਰ ਪਿਆਰ ਦਾ ਦਿਖਾਵਾ,
ਮਨ ਵਿੱਚੋਂ ਨਫ਼ਰਤਾਂ ਟਾਲ ਦੇ।
ਤੋੜ ਦੇ ਲਾਲਚ ਦੀਆਂ ਬੇੜੀਆਂ,
ਕਦਮਾਂ ਨੂੰ ਇੱਕ ਨਵੀਂ ਚਾਲ ਦੇ।
ਸੁੱਟ ਨਾ ਕਦੇ ਚਿੱਕੜ ਦੂਜਿਆਂ ‘ਤੇ,
ਖ਼ੁਦ ਨੂੰ ਵੀ ਦਾਗ਼ ਤਾਂ ਲੱਗਦੇ ਨੇ,
ਵਸਲ ਦੀ ਗੱਲ ਬਾਤ ਕਰੀਏ,
ਇੱਕ ਨਵਾਂ ਰੂਪ ਹਰ ਹਾਲ ਦੇ।
ਜੰਮਣ ਮਰਨ ਦਾ ਇੱਕ ਚੱਕਰ,
ਪੁਤਲਾ ਹੱਡ ਮਾਸ ਦਾ ਮਿੱਟੀ,
ਹੌਸਲਿਆਂ ਨਾਲ ਲੈ ਉਡਾਰੀ
ਵਹਿੰਦੇ ਖ਼ੂਨ ਨੂੰ ਉਬਾਲ਼ ਦੇ।
ਜਦੋਂ ਜਾਗੋ ਉਦੋਂ ਹੀ ਸਵੇਰਾ,
ਉੱਜਲ ਨਸੀਬ ਤੇਰਾ ਹੱਥ ਤੇਰੇ,
ਹੋਵੇ ਖ਼ਿਆਲਾਂ ਦੀ ਨਵੀਂ ਦਿਸ਼ਾ
ਜ਼ਿੰਦਗੀ ਨੂੰ ਸੰਗੀਤਮਈ ਤਾਲ ਦੇ।
ਲੇਖਕ : ਰਾਕੇਸ਼ ਕੁਮਾਰ
ਸੰਪਰਕ: 94630-24455