ਬੌਧਿਕ ਕੰਗਾਲੀ

ਹਾਲਤ ਕਿਸੇ ਦੀ ਵੀ ਮਾਲੀ ਮਾੜੀ ਐ।
ਉਸ ਤੋਂ ਵੀ ਬੌਧਿਕ ਕੰਗਾਲੀ ਮਾੜੀ ਐ।
ਮਾੜਾ ਹੈ ਕਿਸੇ ਦੇ ਨਾਲ ਮਾੜਾ ਕਰਨਾ,
ਮਾੜੇ ਸਮੇਂ ਵਿੱਚ ਜੇਬ੍ਹ ਖਾਲੀ ਮਾੜੀ ਐ।
ਜੂਏ ਦੀ ਆਦਤ ਸਦਾ ਮਾੜੀ ਹੁੰਦੀ ਐ,
ਰੱਖਣੀ ਕਰੰਸੀ ਵੀ ਜਾਅਲੀ ਮਾੜੀ ਐ।
ਪ੍ਰਾਹੁਣਾ ਤੇ ਫੁੱਫੜ ਸੌਖੇ ਨਹੀਓਂ ਸਾਂਭਣੇ,
ਸ਼ੱਕੀ ਦੀ ਅਮਾਨਤ ਸੰਭਾਲੀ ਮਾੜੀ ਐ।
ਕੁਝ ਵੀ ਨਾਜਾਇਜ਼ ਹੈ ਮਾੜਾ ਰੱਖਣਾ,
ਦੁੱਧ ਦੀ ਬਿੱਲੇ ਤੋਂ ਰਖਵਾਲੀ ਮਾੜੀ ਐ।
ਰਿਸ਼ਤੇਦਾਰੀ ਤਾਂ ਆਪੋ ਆਪਣੀ ਜਗ੍ਹਾ,
ਸਾਂਢੂ ਦੀ ਵਪਾਰ ਭਾਈਵਾਲੀ ਮਾੜੀ ਐ।
ਈਰਖਾ ਸਾੜਾ ਤੇ ਸਦਾ ਗੁੱਸਾ ਮਾੜਾ ਹੈ,
ਗੁੱਸੇ ਨਾਲ ਅੱਖ ਵਿੱਚ ਲਾਲੀ ਮਾੜੀ ਐ।
ਕੀਮਤੀ ਸ਼ੈਆਂ ਨੂੰ ਰੱਖੋ ਸਾਂਭ ‘ਸਿਵੀਆਂ’,
ਚਾਬੀ ਤੇ ਬੰਦੂਕ ਜੰਗਾਲੀ ਮਾੜੀ ਐ।
ਲੇਖਕ : ਹਰਮੀਤ ਸਿਵੀਆਂ
ਸੰਪਰਕ: 80547-57806