ਸਰੀ, (ਸਿਮਰਨਜੀਤ ਸਿੰਘ): ਕੈਨੇਡਾ ਪੋਸਟ ਦੇ ਗ੍ਰਾਹਕ ਹੁਣ ਡਾਕ ਭੇਜਣ ਲਈ ਵੱਧ ਕੀਮਤ ਚੁਕਾਉਣਗੇ, ਕਿਉਂਕਿ ਕੰਪਨੀ ਨੇ ਵੱਧ ਰਹੇ ਆਰਥਿਕ ਨੁਕਸਾਨਾਂ ਦੇ ਮੱਦੇਨਜ਼ਰ ਸਟੈਂਪਾਂ ਦੀ ਕੀਮਤ ਵਧਾ ਦਿੱਤੀ ਹੈ।
ਇਹ ਵਾਧਾ, ਜੋ ਪਿਛਲੇ ਸਾਲ ਪੇਸ਼ ਕੀਤਾ ਗਿਆ ਸੀ, ਸੋਮਵਾਰ ਤੋਂ ਲਾਗੂ ਹੋ ਗਿਆ ਹੈ। ਇਸ ਵਿੱਚ ਘਰੇਲੂ ਅਤੇ ਅੰਤਰਰਾਸ਼ਟਰੀ ਡਾਕ ਸੇਵਾਵਾਂ ਲਈ ਕੀਮਤਾਂ ਵਿੱਚ 25 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਗਿਆ ਹੈ।
ਘਰੇਲੂ ਡਾਕ ਪੱਤਰਾਂ ਲਈ ਇਕਲ ਸਟੈਂਪ ਦੀ ਕੀਮਤ $1.15 ਤੋਂ ਵੱਧ ਕੇ $1.44 ਹੋ ਗਈ ਹੈ।
ਜੋ ਸਟੈਂਪ ਬੁੱਕਲੈਟ, ਕੋਇਲ ਜਾਂ ਪੈਨ ਦੀ ਸ਼ਕਲ ਵਿੱਚ ਖਰੀਦਦੇ ਹਨ, ਉਨ੍ਹਾਂ ਲਈ ਕੀਮਤ 99 ਸੈਂਟ ਤੋਂ ਵਧ ਕੇ $1.24 ਪ੍ਰਤੀ ਸਟੈਂਪ ਹੋ ਗਈ ਹੈ।
ਇਸ ਤੋਂ ਇਲਾਵਾ ਅਮਰੀਕੀ ਡਾਕ, ਅੰਤਰਰਾਸ਼ਟਰੀ ਡਾਕ ਅਤੇ ਘਰੇਲੂ ਰਜਿਸਟਰਡ ਡਾਕ ਆਦਿ ਉਤਪਾਦਾਂ ਦੀ ਕੀਮਤ ਵਿੱਚ ਵੀ 25 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਗਿਆ ਹੈ।
ਕੈਨੇਡਾ ਪੋਸਟ ਦੇ ਬਿਆਨ ਅਨੁਸਾਰ, ”ਇਹ ਵਾਧਾ ਸੇਵਾਵਾਂ ਦੀ ਲਾਗਤ ਨਾਲ ਸਟੈਂਪ ਦੀ ਕੀਮਤ ਨੂੰ ਮੇਲ ਖਾਣ ਲਈ ਇੱਕ ਜ਼ਰੂਰੀ ਕਦਮ ਹੈ। ਹਰ ਸਾਲ ਘੱਟ ਪੱਤਰ ਵੱਧ ਪਤੇ ‘ਤੇ ਭੇਜੇ ਜਾਂਦੇ ਹਨ, ਜਿਸ ਨਾਲ ਸੇਵਾਵਾਂ ਦੇ ਖਰਚੇ ਵਧ ਰਹੇ ਹਨ।”
ਇਸ ਵਾਧੇ ਨਾਲ ਸਧਾਰਨ ਕੈਨੇਡੀਆਈ ਘਰੇਲੂ ਪਰਿਵਾਰ ਨੂੰ ਸਿਰਫ $2.26 ਪ੍ਰਤੀ ਸਾਲ ਅਤੇ ਛੋਟੇ ਕਾਰੋਬਾਰਾਂ ਨੂੰ $42.17 ਪ੍ਰਤੀ ਸਾਲ ਵੱਧ ਖਰਚਾ ਹੋਵੇਗਾ।
ਇਹ ਕੀਮਤਾਂ ਵਿੱਚ ਵਾਧਾ ਕੰਪਨੀ ਦੇ ਨੁਕਸਾਨਾਂ ਦੇ ਇੱਕ ਹੋਰ ਸਾਲ ਤੋਂ ਬਾਅਦ ਹੋਇਆ ਹੈ।
2024 ਵਿੱਚ ਨੁਕਸਾਨ: ਤੀਜੇ ਤਿਮਾਹੀ ਵਿੱਚ ਕੈਨੇਡਾ ਪੋਸਟ ਨੂੰ $315 ਮਿਲੀਅਨ ਦਾ ਨੁਕਸਾਨ ਹੋਇਆ।
ਪਾਰਸਲ ਆਮਦਨੀ ਵਿੱਚ ਗਿਰਾਵਟ : ਪਾਰਸਲ ਆਮਦਨ ਵਿੱਚ 5.8 ਪ੍ਰਤੀਸ਼ਤ ਦੀ ਗਿਰਾਵਟ ਹੋਈ ਅਤੇ ਡਾਕ ਟੁਕੜਿਆਂ ਦੀ ਗਿਣਤੀ ਵਿੱਚ 9.6 ਪ੍ਰਤੀਸ਼ਤ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਕੈਨੇਡਾ ਪੋਸਟ 2024 ਦੇ ਲਈ ਇੱਕ ਹੋਰ ”ਹੋਰ ਵੱਡੇ ਘਾਟੇ” ਦੀ ਉਮੀਦ ਹੈ। ਇਹ ਲਗਾਤਾਰ ਸੱਤਵਾਂ ਸਾਲ ਹੋਵੇਗਾ ਜਦੋਂ ਵੱਡਾ ਘਾਟਾ ਦਰਜ ਕੀਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਕੰਪਨੀ ਨੇ ਪਿਛਲੇ ਮਹੀਨੇ ਲੰਬੇ ਸਮੇਂ ਤਕ ਚੱਲੇ ਹੜਤਾਲ ਦੇ ਬਾਅਦ ਘਰੇਲੂ ਸੇਵਾਵਾਂ ਨੂੰ ਮੁੜ ਪੂਰੇ ਪੱਧਰ ਤੇ ਲੈ ਆਉਣ ਦੀ ਘੋਸ਼ਣਾ ਕੀਤੀ। ਪਰ, ਕੈਨੇਡਾ ਪੋਸਟ ਨੇ ਚਿਤਾਵਨੀ ਦਿੱਤੀ ਹੈ ਕਿ ਵਪਾਰਿਕ ਡਾਕ, ਮੁਹੱਲੇਵਾਰ ਡਾਕ ਅਤੇ ਅੰਤਰਰਾਸ਼ਟਰੀ ਪਾਰਸਲਾਂ ਵਿੱਚ ਦੇਰੀ ਦੀ ਉਮੀਦ ਜਾਰੀ ਰਹੇਗੀ।
This report was written by Simranjit Singh as part of the Local Journalism Initiative.
ਕੈਨੇਡਾ ਪੋਸਟ ਨੇ ਸਟੈਂਪ ਦੀਆਂ ਕੀਮਤਾਂ ਵਿੱਚ ਕੀਤਾ 25% ਵਾਧਾ
