ਗੱਭਰੂਆਂ ਨੇ ਜਦ ਕੜਾ ਲਾਹ ਕੇ ।
ਨੱਕ ਵਿੱਚ ਕੋਕਾ ਪਾ ਲਿਆ ।
ਸਿਆਸਤ ਤੇ ਸਰਕਾਰਾਂ ਨੇ ਤਦ ।
ਮੇਰਾ ਪੰਜਾਬ ਖਾ ਲਿਆ ।
ਗੰਦ ਲਿਖਣ ਲਿਖਾਰੀ ਵੱਡੇ ।
ਠੇਕੇ ਥਾਣੇ ਸਾਡੇ ਅੱਡੇ ।
ਨਸ਼ੇ ਤਾਂ ਆਪਾਂ ਕੋਈ ਨਾ ਛੱਡੇ ।
ਆਹ ਕੀ ਵੇਲ਼ਾ ਆ ਗਿਆ ।
ਗੱਜ ਛਾਤੀਆਂ ਗਿੱਠਾਂ ਹੋ ਗਈਆਂ ।
ਗੁਰੂਆਂ ਦੇ ਵੱਲ ਪਿੱਠਾਂ ਹੋ ਗਈਆਂ ।
ਤਿੰਨ ਦਿਨਾਂ ‘ਚ ਕਿੰਨੀਆਂ ਮੌਤਾਂ ।
ਚਿੱਟਾ ਕਹਿਰ ਕਮਾ ਗਿਆ ।
ਧਰਮ ਦੇ ਠੇਕੇਦਾਰ ਵੀ ਮਾੜੇ ।
ਬਾਬੇ ਡੇਰੇਦਾਰ ਵੀ ਮਾੜੇ ।
ਅਸਲ ਧਰਮ ਤੋਂ ਵਾਂਝਾ ਕਰਦੇ ।
ਇਨਸਾਨ ਨੂੰ ਲੜਨੇ ਲਾ ਗਿਆ ।
ਮੁੜ ਆਓ ਮੇਰੀ ਮਾਂ ਦੇ ਜਾਇਓ ।
ਪੰਜਾਬੀ ਨੂੰ ਤੁਸੀਂ ਦਾਗ਼ ਨਾ ਲਾਇਓ ।
ਨਸ਼ੇ ਤਿਆਗੋ ਮੁੱਢ-ਪਛਾਣੋਂ ।
ਅਰਜ਼ ਦੁਹਾਈਆਂ ਪਾ ਗਿਆ ।
ਲੇਖਕ : ਅਰਜ਼ਪ੍ਰੀਤ