ਕੈਨੇਡੀਅਨ ਓਲੰਪਿਕ ਸਨੋਬੋਰਡਰ ਮਾਰਕ ਮੈਕਮੋਰਿਸ ਨਾਲ ਵਾਪਰਿਆ ਹਾਦਸਾ, ਗੰਭੀਰ ਜ਼ਖਮੀ

ਸਰੀ, (ਏਕਜੋਤ ਸਿੰਘ): ਕੈਨੇਡੀਅਨ ਓਲੰਪਿਕ ਸਨੋਬੋਰਡਰ ਮਾਰਕ ਮੈਕਮੋਰਿਸ ਅਭਿਆਸ ਦੌਰਾਨ ਵਾਪਰੇ ਹਾਸਦੇ ਵਿੱਚ ਗੰਭੀਜ਼ ਜ਼ਖਮੀ ਹੋ ਗਿਆ ਹੈ।ਮੈਕਮੋਰਿਸ, ਜਿਸ ਦੀ ਉਮਰ 30 ਹੈ, ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਜਦੋਂ ਉਹ ਰੇਵਲਸਟੋਕ ਦੇ ਨੇੜੇ ਬੈਕਕੰਟਰੀ ਵਿੱਚ ਸਨੋਬੋਰਡਿੰਗ ਦੌਰਾਨ ਛਾਲ ਮਾਰਨ ਵਿੱਚ ਅਸਫਲ ਰਿਹਾ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਸ ਤੋਂ ਬਾਅਦ ਵੀਡੀਓ ਵਿੱਚ ਉਸ ਨੂੰ ਹਸਪਤਾਲ ਵਿੱਚ ਦਿਖਾਇਆ ਗਿਆ ਹੈ।
ਮੈਕਮੋਰਿਸ ਦੁ ਚਿਹਰੇ ਗੰਭੀਰ ਸੱਟਾਂ ਲੱਗੀਆਂ ਹਨ ਅਤੇ ਵੈਨਕੂਵਰ ਜਨਰਲ ਹਸਪਤਾਲ ਵਿੱਚ ਉਹ ਜੇਰੇ ਇਲਾਜ ਹੈ। ਡਾਕਟਰਾਂ ਅਨੁਸਾਰ ਉਸ ਨੂੰ ਸਰਜਰੀ ਦੀ ਲੋੜ ਪੈ ਸਕਦੀ ਹੈ।
ਜ਼ਿਕਕਰਯੋਗ ਹੈ ਕਿ ਮੈਕਮੋਰਿਸ, ਜਿਸਦਾ ਜਨਮ ਰੇਜੀਨਾ, ਸਸਕੈਚਵਨ ਵਿੱਚ ਹੋਇਆ ਸੀ, ਇੱਕ ਸ਼ਾਨਦਾਰ ਰੈਜ਼ਿਊਮੇ ਦੀ ਬਦੌਲਤ ਕੈਨੇਡਾ ਵਿੱਚ ਇੱਕ ਘਰੇਲੂ ਨਾਮ ਬਣ ਗਿਆ ਹੈ। ਉਸ ਕੋਲ 23 ਦੇ ਨਾਲ ਸਭ ਤੋਂ ਵੱਧ ਕਰੀਅਰ ਤਮਗਿਆਂ ਲਈ ਵਿੰਟਰ ਐਕਸ ਗੇਮਜ਼ ਦਾ ਰਿਕਾਰਡ ਹੈ, ਜਿਨ੍ਹਾਂ ਵਿੱਚੋਂ 11 ਸੋਨੇ ਦੇ ਹਨ। ਉਸਨੇ 2014, 2018 ਅਤੇ 2022 ਵਿੱਚ ਤਿੰਨ ਓਲੰਪਿਕ ਕਾਂਸੀ ਦੇ ਤਗਮੇ ਵੀ ਜਿੱਤੇ ਹਨ।